سرینگر//بالی ووڈ کے سپر اسٹار ، ہدایت کار اور پروڈیوسر عامر خان نے جمعرات کو تاریخی امر سنگھ کالج سرینگر کا دورہ کیا اور وہاں کچھ وقت گزارا۔اس کالج کے احاطے میں لی گئی سپر اسٹار کی ایک تصویر بھی سوشل میڈیا پر وائرل ہوگئی۔ اداکار کے مداحوں نے ان کی آنے والی فلم لال سنگھ چڑا کے لیے نیک خواہشات اور کامیابی کے لیے تصویر کا اشتراک کیا۔عامر خان کے کالج جانے میں موجودگی کے بارے میں خبر کے بعد مداح ، سپر اسٹار کی جھلک دیکھنے کے لئے کالج کے مرکزی دروازے پر جمع ہوئے۔کالج سے کار میں نکلتے وقت ، عامرخان نے میڈیا اور اپنے مداحوں کے ساتھ مسکراتے ہوئے اپنا ہاتھ لہرایا۔ کالج کے مرکزی دروازے سے باہر نکلتے ہوئے د عامر خان کا مختصر ویڈیو کلپ بھی سماجی میڈیا پر عام ہوگئی۔کالج کے احاطے میں لی گئی تصویر میں ، خان کو کارگو پتلون ، مکمل آستین والی ٹی شیٹ ، جوتے اورعینک کے ایک جوڑاے کے علاوہ اس کے گلے میں ماسک کے ساتھ دیکھا جا سکتا ہے۔اسی تصویر میں ، ایک خاتون سپر اسٹار کے ساتھ دیکھی جا سکتی ہے ، ایک قلم اور ریٗٹنگ پیڈ تھامے ہوئے ، بظاہر عملے کا ایک رکن بھی ہے جس کے ساتھ اداکار اس مقام پر گفتگو کر رہا ہے۔اگرچہ ، باضابطہ طور پر ابھی تک یہ معلوم نہیں ہوسکا کہ آیا یہ کوئی سادہ سا دورہ تھا یا نہیں لیکن بظاہر ایسا لگتا ہے کہ خان اس جگہ فلم کی ممکنہ شوٹنگ کیلئے مقام تلاش کر رہا تھا۔2012 میں ، خان ایک دہائی سے زیادہ عرصے کے بعد کشمیر پہنچے تھے اور اس کی خوبصورتی سے اتنے متاثر ہوئے تھے کہ انہیں امید ہے کہ فلم بین پرانے وقت کی طرح یہاں بھی آجائیں گے۔اس کے بعد انہوں نے ڈل جھیل میں مشہور تیرتے سبزیوں کے باغات کا دورہ کیا۔ عامر نے 2012 میں ڈل جھیل کے دورے کے دوران نامہ نگاروں سے کہا تھا کہ’’میں 10 سال سے زیادہ عرصے کے بعد کشمیر آیا ہوں،آخری بار میں یہاں من (1999) کی شوٹنگ کے لیے آیا تھا۔ .سپر اسٹار نے اپنے سپر ڈوپر ہٹ تھری ایڈیٹس کے کچھ حصوں کو لداخ میں سابق ریاست جموں و کشمیر کے علاقے میں بھی فلمایاتھا۔سپر اسٹار سرد صحرا میں اپنی فلم کی آخری حصے کی شوٹنگ کے لئے رواں ماہ کے اوائل میں کرگل پہنچا تھا۔
