واشنگٹن/ امریکہ کے نائب صدر مائیک پینس کا کہنا ہے کہ پُرامن اقتدار منتقلی کی روایت کو برقرار رکھا جائے گا جس کے لئے صدر کی تقریب حلف برداری کے دن دارالحکومت میں 20ہزار فوجی سیکیورٹی کے فرائض انجام دیں گے۔ نائب صدر مائیک پینس نے کہا ہے کہ 20 جنوری کو جو بائیڈن اور نائب صدر کملہ ہیرس ہماری تاریخ اور روایت کو برقرار رکھتے ہوئے حلف اٹھائیں گے اور شر پسندوں کی جانب سے امریکی روایات کو مسخ کرنے کی کوشش کو ناکام بنانے کے لئے 20ہزار فوجی دارالحکومت میں تعینات ہوں گے۔نائب صدر مائیک پینس نے امریکی کانگریس کی عمارت کیپٹل ہل کی حفاظت پر تعینات فورسز سے ملاقات کی اور ان کی خدمات پر شکریہ ادا کیا۔ اس موقع پر نائب صدر کا کہنا تھا کہ مجھے فخر ہے کہ میں صدر ٹرمپ کا نائب ہوں۔صدر ٹرمپ کے حامیوں کے 6 جنوری کو کانگریس کی عمارت پر حملے کے بعد سے نیشنل گارڈ کے ہزاروں اہلکار کانگریس عمارت کی حفاظت پر مامور ہیں اور کسی ممکنہ گڑ بڑ سے بچنے کے لیے ہی حلف برداری کے دن 20 ہزار فوجیوں کی تعیناتی کا فیصلہ کیا گیا ہے۔
بائیڈن کی حلف برداری کے دن
