’آزادی کا امرت مہوتسو‘ تقریبات | کشمیر یونیورسٹی میںسائیکل ریس اور کرکٹ میچ کاانعقاد

سری نگر// کشمیر یونیورسٹی کے وائس چانسلر پروفیسر طلعت احمد نے ہفتہ کو 'آزادی کا امرت مہوتسو' تقریبات کے ایک حصے کے طور پر کیمپس میں سائیکلوتھون کو جھنڈی دکھائی۔سائیکلوتھون کا انعقاد ڈیپارٹمنٹ آف اسٹوڈنٹس ویلفیئر (DSW) نے نیشنل سروس سکیم (NSS) اور ڈائریکٹوریٹ آف سپورٹس اینڈ فزیکل ایجوکیشن (DSPE) کے اشتراک سے کیا۔اس موقع پر طلبا،شرکاء اور ملازم رضاکاروں سے خطاب کرتے ہوئے پروفیسر طلعت نے لوگوں کی صحت مند فلاح کے لیے جسمانی تندرستی کی اہمیت پر زور دیا۔انہوں نے کہا کہ وزیر اعظم نریندر مودی نے فٹنس کو لوگوں کی زندگی کا لازمی حصہ بنانے کے لیے 2019 میں فٹ انڈیا موومنٹ کا آغاز کیا۔ یونیورسٹی کے اعلیٰ افسران جن میں رجسٹرار ڈاکٹر نثار اے میر ، پروفیسر شوکت اے شاہ ، ڈین اسٹوڈنٹس ویلفیئر پروفیسر رئیس اے قادری ، کوآرڈینیٹر این ایس ایس ڈاکٹر مصویر احمد ، جوائنٹ رجسٹرار ڈاکٹر اشفاق اے زراری ،ڈاکٹر معروف قادری کے علاوہ ڈائریکٹر ڈی ایس پی ای ڈاکٹر نثار احمد خان اور وی سی کے خصوصی سیکرٹری ڈاکٹر تنویر اے شاہ موجود تھے۔