ظفر اقبال
اوڑی// اوڑی اور بونیار علاقوں کے درجنوں دیہات پچھلے4روزسے بجلی کے بغیر ہیں ، جبکہ درجنوں دہیات کی سڑکیں ابھی بند پڑی ہیں جس کی وجہ سے سردیوں کی سخت صورتحال کے دوران رہائشیوں کے لئے وسیع پیمانے پر مشکلات پیدا ہوگئیں۔مقامی آبادی نے کہا کہ اوڑی اور بونیار کے درجنوں دیہات اب بھی بجلی کے بغیر ہیں۔ ان میں نوشیرا ، ترکانجن ، میدانن ، بیرنیٹ ، دودران ، سلاسن ، چوٹالی ، گیگرہل ، لیمبر ، بابگیل ، ، لچھی پورہ ، مایان ، اورنبوا ، دوران ، گھرکوٹ ، نامبلہ بلکوٹ ہیتھلنگا ، سہورہ ، چرنڈا ، بٹگراں ، سکھدر ، گوہالن ، گوولتہ، دہنی سیدن، چھولاں شامل ہیں۔رہائشیوں نے الزام لگایا کہ مقامی لوگوں نے خود ہی متعدد جگہوں پر بجلی کی خرابیوں کی مرمت کے باوجود ، محکمہ چار دن کے بعد بھی بجلی کی بحالی میں ناکام رہا ہے۔ ان کا کہنا تھا کہ سردیوں کے شدید حالات کے دوران بجلی کی طویل کٹوتیوں نے روز مرہ کی زندگی اور بنیادی ضروریات کو متاثر کرنے والی بے پناہ مشکلات کا باعث بنا ہے۔ پریشانیوں میں اضافہ کرتے ہوئے ، برف باری کی وجہ سے متعدد اندرونی سڑکیں ابھی تک صاف نہیں کی گیں ہیں جس سے بہت سے دیہات تحصیل ہیڈ کوارٹر سے منقطع ہوئے ہیں۔ متاثرہ علاقوں میں نامبلہ بی اور سی ، چرنڈہ، بٹگراں ، گوہالن ، گوولتہ ، دودرن ، چوٹالی ،لمبر، بابگیل اور دیگر ملحقہ دیہات شامل ہیں۔سونوار کو ریچھاولی نامبلہ کی سڑک بند ہونے کی وجہ سے ایک مریض کو چار پائی پر اٹھا کرکئی کلو میٹر پیدل سفر کر کے اسپتال پہنچایا گیا۔دریں اثنا ، حکام نے بتایا کہ مشینری کو خدمت میں لایا گیا ہے اور بحالی کا کام جاری ہے۔
