واشنگٹن/عظمی مانیٹرنگ ڈیسک/امریکہ میں ایک دن میں 500 سے زائد غیر قانونی تارکین وطن کو حراست میں لے لیا گیا ہے ۔وائٹ ہاو س نے سوشل میڈیا ایکس سے جاری کردہ بیان میں کہا ہے کہ امریکہ کے ادارہ برائے نقل مکانی وکسٹم نے ملک کے مختلف علاقوں سے 538 غیر قانونی تارکین وطن کو حراست میں لے لیا ہے ۔بیان کے مطابق 373 افراد کے نگرانی آرڈر جاری کئے گئے ہیں۔ یہ کاروائی ،امریکی سرحدوں کے تحفظ کی خاطر، ٹرمپ انتظامیہ کے متوقع اقدامات کا ایک چھوٹا سا اوّلین قدم ہے ۔زیرِ حراست افراد میں سے بعض کے ناموں اور سرزد کردہ جرائم کو “بطور مثال” سوشل میڈیا ایکس سے شیئر کیا گیا ہے ۔بعض غیرقانونی تارکین وطن کو نیوآرک سے حراست میں لیا گیا ہے ۔ شہر کے بلدیہ میئر ‘راس بااراکا’ نے موضوع سے متعلق جاری کردہ بیان میں کہا ہے کہ ” انسانوں کو غیر قانونی شکل میں دہشت زدہ کیا جا رہا ہے اور میں اس کے مقابل خاموش نہیں رہوں گا”۔باراکا نے نیو آرک میں کئے گئے آپریشن کو “خوفناک” قرار دیا اور کہا ہے کہ حراست میں لئے گئے افراد میں ایک سابق امریکی فوجی بھی شامل ہے ۔ادھر کویت کے شہریت کے ادارے نے اہم اقدام اُٹھاتے ہوئے ملک سے غداری اور دہشت گردی کی فنڈنگ کا الزام ثابت ہونے پر 38 غیر ملکیوں کی کویتی شہریت کو منسوخ کردیا۔