کابل //افغانستان میں انسداد پولیو کے قطرے پلانے والی ٹیموں کے 8 افراد کو چار مختلف حملوں میں قتل کردیا گیا۔قوام متحدہ نے ایک بیان میں کہا کہ 'ہم 4 علیحدہ علیحدہ مقامات پر ہونے والی ان ہلاکتوں کے ظلم سے حیران ہیں'۔اقوام متحدہ نے کہا کہ شمالی صوبے تخار صوبے میں ایک شخص اور اس کے ہمسایہ صوبے قندوز میں 7 افراد مارے گئے، جن میں صوبائی دارالحکومت قندوز شہر میں 4 ہلاک ہوئے۔اقوام متحدہ نے مزید کہا کہ پولیو اراکین گھر گھر دوروں میں مصروف تھے یا مہم شروع کرنے کے لیے راستے میں تھے۔واضح رہے کہ افغانستان اور پاکستان دنیا کے وہ دو ممالک ہیں جہاں سے پولیو کا خاتمہ نہیں ہوسکا حالانکہ پاکستان میں گزشتہ ماہ تک تاریخ میں پہلی بار ایک سال تک پولیو کا کوئی کیس رپورٹ نہیں ہوا۔اقوامِ متحدہ کا کہنا تھا کہ یہ بے حس تشدد فوری طور پر بند ہونا اور ذمہ داروں کو تحقیقات کر کے انصاف کے کٹہرے میں لایا جانا چاہیے۔
افغانستان: سلسلہ وار حملوں میں 8 پولیو ورکروں کا قتل
