جموں//جموں و کشمیر بی جے پی نے پیر کو اپنے کارکنوں سے کہا کہ وہ مرکز کے زیر انتظام علاقوں میں اسمبلی انتخابات کی تیاری کے لیے سرگرمیاں منظم کریں۔ یہ ہدایت بی جے پی کے ریاستی جنرل سکریٹری (تنظیم) اشوک کول نے رام بن میں ضلعی عہدیداروں، ضلع مورچہ کے صدور اور منڈل صدور کی میٹنگ کے دوران پارٹی کارکنوں کو دی۔کول نے میٹنگ سے خطاب کرتے ہوئے بی جے پی ممبران کو ملک اور پارٹی کے لیے لگن کے ساتھ کام کرنے کی ترغیب دی۔انہوں نے کہا کہ ’’قوم پہلے پارٹی کے اصولوں کے مطابق اس خطے کے پارٹی کارکنوں نے ذاتی دکھوں اور نقصانات کی قیمت پر کسی بھی حد سے بڑھ کر قوم سے محبت کی ہے ۔انہوںنے کہا کہ اب منظر کو وزیر اعظم نریندر مودی کی قیادت والی مرکز میں این ڈی اے حکومت نے عوامی فلاح و بہبود کی پالیسیوں کی کثرت سے بدل دیا ہے۔انہوں نے پارٹی کے تمام قائدین سے کہا کہ وہ اسمبلی انتخابات میں پارٹی کے لیے بہترین نتائج حاصل کرنے کے لیے اپنی سرگرمیاں شروع کریں۔انہوں نے ان سے کہا کہ وہ ہر شکتی مرکز پر بوتھ کمیٹیوں کو مکمل کریں اور زیادہ سے زیادہ نوجوانوں کو پارٹی میں شامل کرنے کو کہا۔
اسمبلی انتخابات کیلئے تیار ہوجائیں
