آل انڈیا پولیس فٹ بال چیمپئن شپ11مارچ سے

سرینگر// جموں و کشمیر پولیس 71ویں آل انڈیا پولیس فٹ بال چیمپئن شپ 2022-23 سری نگر میں 11 مارچ سے 21 مارچ 2023 تک منعقد کرنے والی ہے۔ انتظامات اور تیاریوں کا جائزہ لینے کے لیے کل ، ایڈیشنل۔ ڈائریکٹر جنرل آف پولیس آرمڈ ایس جے ایم گیلانی نے سرینگر میں ایک میٹنگ کی صدارت کی اور تقریب کے خوش اسلوبی اور کامیاب انعقاد کو یقینی بنانے کے لیے چند اہم ہدایات جاری کیں۔ میٹنگ کے دوران تمام اہم امور جیسے رہائش، ٹرانسپورٹیشن، میڈیا پبلسٹی کوریج، طبی انتظامات، استقبالیہ/سائٹ سینگ سیکورٹی، ٹریفک کے انتظامات، حصہ لینے والی ٹیموں کے سیکورٹی انتظامات پر تبادلہ خیال کیا گیا۔ تمام افسران سے کہا گیا کہ وہ اے پی سی زیوان، سی ٹی سی لیتھ پورہ، پی ٹی ایس منیگم میں رہائش کی دستیابی کا جائزہ لیں۔ متعلقہ سپروائزری افسران کو ہدایت کی گئی کہ وہ شناخت شدہ رہائش گاہ کی تزئین و آرائش کریں اور اسے مقررہ وقت میں مکمل کریں۔ اس موقع پر یہ فیصلہ کیا گیا کہ ایونٹ کے پریکٹس میچ ایس پی کالج اور امر سنگھ کالج سری نگر کے گراؤنڈز میں منعقد کیے جائیں گے۔