سرینگر //جموں و کشمیر کے 9اضلاع میں کسی کی رپورٹ مثبت نہیں آئی ہے جبکہ دیگر 11اضلاع میں 58افراد کو مثبت قرار دیا گیا ہے۔ متاثرین کی مجموعی تعداد بڑھ کر 4لاکھ 78ہزار 415ہوگئی ہے۔ اس دوران مسلسل دوسرے دن بھی جموں و کشمیر میں کورونا وائرس سے کسی کی موت نہیں ہوئی ہے۔ متوفین کی مجموعی تعداد 4783بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں منگل کو کورونا وائرس کی تشخیص کیلئے 7ہزار 740ٹیسٹ کئے گئے جن میں 11اضلاع سے تعلق رکھنے والے 58افراد کو مثبت قرار دیا گیا ہے۔ مثبت قرار دئے گئے 58افراد میں 7کا تعلق جموں جبکہ دیگر 51افراد کشمیر میں متاثر ہوئے ہیں۔ کشمیر صوبے کے اننت ناگ اور گاندربل ضلع میں کسی کی رپورٹ مثبت نہیں آئی ہے جبکہ دیگر 8اضلاع میں 51افراد کو مثبت قرار دیا گیا ہے۔ کشمیر صوبے میں مثبت قرار دئے گئے 51افراد میں سرینگر میں سب سے زیادہ 23، بارہمولہ میں 4، بڈگام میں 9، پلوامہ میں 2، کپوارہ میں6، بانڈی پورہ میں 1، کولگام میں4 جبکہ شوپیان میں 2افراد کو مثبت قرار دیا گیا ہے۔ کشمیر صوبے میں متاثرین کی مجموعی تعداد 3لاکھ 4ہزار 618ہوگئی ہے۔ اس دوران وادی میں مسلسل دوسرے دن بھی کورونا وائرس سے کسی کی موت نہیں ہوئی ہے۔متوفین کی مجموعی تعداد 2433بنی ہوئی ہے۔ جموں صوبے کے 7اضلاع جن میں ادھمپور، راجوری، کٹھوعہ، کشتواڑ، پونچھ، رام بن اور ریاسی میں کسی کی رپورٹ مثبت نہیں آئی ہے جبکہ دیگر 3اضلاع میں ضلع جموں میں4، ڈوڈہ میں 2 جبکہ سانبہ میں کسی کی رپورٹ مثبت نہیں آئی ہے۔ جموں صوبے میں متاثرین کی مجموعی تعداد 1لاکھ 73ہزار 797ہوگئی ہے۔ اس دوران جموں صوبے میں مسلسل 9ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2350بنی ہوئی ہے۔
۔9اضلاع میں کوئی کورونا کیس نہیں||11اضلاع میں 58 متاثر
