ٹی ای این
سرینگر// محکمہ انکم ٹیکس نے ہفتہ کو بتایا کہ سال 2025-26 کے لیے اب تک چھ کروڑ سے زیادہ انکم ٹیکس ریٹرن داخل کیے جا چکے ہیں۔بغیر کسی جرمانے کے آئی ٹی آرفائل کرنے کی آخری تاریخ 15 ستمبر ہے۔آئی ٹی ڈپارٹمنٹ نے ایکس پر ایک پوسٹ میں کہاکہ اب تک اور ابھی تک گنتی کے 6 کروڑ انکم ٹیکس ریٹرن کے سنگ میل تک پہنچنے میں ہماری مدد کرنے کیلئے ٹیکس دہندگان اور ٹیکس پیشہ ور افراد کا شکریہ۔’’آئی ٹی آر فائلنگ، ٹیکس کی ادائیگی اور دیگر متعلقہ خدمات کے لیے ٹیکس دہندگان کی مدد کے لیے، ہمارا ہیلپ ڈیسک 24×7 کی بنیاد پر کام کر رہا ہے اور محکمہ کالز، لائیو چیٹس،ویب ایکس سیشنز اورٹویٹر/ایکس کے ذریعے مدد فراہم کر رہا ہے۔اس نے ان ٹیکس دہندگان سے بھی کہا جنہوں نے مالی سال 2025-26 کیلئے آئی ٹی آر داخل نہیں کیا ہے وہ آخری لمحات کے رش سے بچنے کے لیے جلد از جلد فائل کریں۔محکمہ انکم ٹیکس نے مئی میں ان افراد،ایچ یو ایف اور اداروں کے ذریعے تشخیصی سال 2025-26 (مالی سال 2024_25 میں حاصل کردہ آمدنی )کیلئے آئی ٹی آر داخل کرنے کی مقررہ تاریخ میں توسیع کا اعلان کیا تھا جنہیں 31 جولائی سے 15 ستمبر تک اپنے کھاتوں کا آڈٹ نہیں کرانا پڑتا ہے۔توسیع انکم ٹیکس ریٹرن (آئی ٹی آر) فارموں میں ’’ساختی اور مواد کی نظرثانی‘‘ کی وجہ سے تھی، جسے اپریل کے آخر اور مئی کے شروع میں مطلع کیا گیا تھا۔ مالی سال 2025-26 کے لیے آئی ٹی آر فارم میں کی گئی تبدیلیوں کو بھی آئی ٹی آر فائلنگ یوٹیلیٹیز اور بیک اینڈ سسٹم میں ترمیم کرنے کی ضرورت ہے۔آئی ٹی آر فائلنگ نے گزشتہ برسوں میں مسلسل ترقی کی ہے، جو کہ بڑھتی ہوئی تعمیل اور ٹیکس کی بنیاد کو وسیع کرنے کی عکاسی کرتی ہے۔
