عظمیٰ نیوز سروس
نئی دہلی//لوک سبھا کو منگل کو مطلع کیا گیا کہ 2021 سے بارڈر سیکورٹی فورس (بی ایس ایف) کے دو اہلکار اور دراندازی کی کوششوں میں ملوث 21 عام شہریوں کو گرفتار کیا گیا۔ مرکزی وزیر مملکت برائے داخلہ نسیت پرمانک نے کہا کہ ہند-پاکستان اور ہند-بنگلہ دیش سرحدوں پر دراندازی کو روکنے کے لئے حکومت نے ایک کثیر الجہتی طریقہ اختیار کیا ہے جس میں سرحدوں پر چوبیس گھنٹے نگرانی اور گشت اور نگرانی کا قیام شامل ہے۔ بی ایس ایف اہلکاروں کی تعداد میں اضافہ، سرحد پر باڑ لگانے اور فلڈ لائٹنگ کی تعمیرجدید تکنیکی سازوسامان جیسے بغیر پائلٹ کے فضائی گاڑیاں، انٹیلی جنس سیٹ اپ کی اپ گریڈیشن، اور ریاست کے ساتھ بہتر تال میل کی کثیرالجہتی حکمت عملی ترتیب دی گئی۔ انہوں نے کہا کہ حکومتیں اور انٹیلی جنس ایجنسیاں بھی کثیر الجہتی حکمت عملی کا حصہ تھیں۔”2021 سے دراندازی کی کوششوں میں ملوث بی ایس ایف کے دو اہلکار اور 21 مقامی افراد/ عام شہریوں کو پکڑا گیا ہے۔ جب بھی اس طرح کے عہدیداروں یا مقامی افراد کے ملوث ہونے کا پتہ چلتا ہے، تو مرکزی اور ریاستی حکومت کے متعلقہ حکام مناسب تحقیقات کرتے ہیں اور مناسب سخت کارروائی کی جاتی ہے۔
