عظمیٰ نیوز سروس
سرینگر//کرائم برانچ کشمیر نے ریاض احمد بٹ ولد غلام محمد بٹ ساکنہ نوگام سری نگر اور شبیر احمد وانی ولد محمد اسماعیل وانی ساکن لسجن سری نگر کے خلاف جائیداد کی فروخت کے متعدد سودوں میں مبینہ دھوکہ دہی، ریونیو ریکارڈ میں جعلسازی اور اعتماد کی مجرمانہ خلاف ورزی کا مقدمہ درج کیا ہے۔ایک کیس میں، ایک شکایت کنندہ خاتون نے الزام لگایا کہ ریاض احمدبٹ نے اسے موضع بالہامہ میں ایک کنال اور 5 مرلہ زمین کا ٹکڑا25 لاکھ روپے میں فروخت کیا۔ ادائیگی کے باوجود زمین کسی دوسرے شخص کو فروخت کر دی گئی اور ملزمان کی جانب سے ادائیگی کے طور پر جاری کئے گئے چیکس کی بے عزتی کی گئی۔ایک اور شکایت میں، دونوں ملزمان نے مبینہ طور پر بالہامہ، پانتہ چھوک سری نگر میں ایک کنال اور10 مرلہ اراضی ایک فرد کو 73 لاکھ روپے میں فروخت کی، جس پر سیل ڈیڈ درج ہے۔ بعد ازاں ریونیو اہلکاروں کے ساتھ مل کر ملزمان نے من گھڑت ریکارڈ تیار کیا اور رقم ہتھیا کر وہی زمین دوبارہ بیچ دی۔کرائم برانچ کشمیرنے کہا کہ دونوں ملزمان ریاض احمد بٹ اور شبیر احمد وانی کو بھی ایک سابقہ ایف آئی آرزیرنمبر14/2025 میں نامزد کیا گیا تھا اور انہیں پہلے بھی اسی طرح کے جرائم میں گرفتار کیا گیا تھا۔بیان میں کہا گیا ہے کہ دونوں معاملات میں تفصیلی تحقیقات شروع کر دی ہیں۔ ریونیو اہلکار یا دیگر تیسرے فریق کی کسی بھی قسم کی شمولیت سے قانون کے تحت سختی سے نمٹا جائے گا۔
