یو این آئی
ڈونیٹسک// یوکرین کے فوجیوں نے کل ڈونیٹسک پیپلز ری پبلی کن (ڈی پی آر) میں 19 بار فائرنگ کی۔یوکرین میں جنگی جرائم سے متعلق امور کے مشترکہ مرکز برائے کنٹرول اور کوآرڈی نیشن (جے سی سی سی) میں ڈی پی آر کے نمائندے کے دفتر نے یہ اطلاع دی۔دفتر نے ٹیلی گرام پر کہا’’گزشتہ 24 گھنٹوں کے دوران، دفتر نے یوکرین کے مسلح یونٹوں کے مسلح حملوں کے 19واقعات کی اطلاع دی‘‘۔بیان کے مطابق کسی شہری کے زخمی ہونے کی کوئی خبر نہیں ہے۔ دفتر نے بتایا کہ یوکرین سے مختلف نوعیت کے 63 گولے داغے گئے۔ گزشتہ روز یوکرین کے فوجیوں کی طرف سے کل 15 گولہ باری کے حملے درج کیے گئے۔
