سرینگر// اترپردیش، راجستھان اور مدھیہ پردیش کے مختلف علاقوں میں آسمانی بجلی گرنے سے 60 سے زیادہ افراد ہلاک ہوگئے ہیں۔ اترپردیش میں آسمانی بجلی گرنے سے 41 افراد ہلاک ہوگئے ہیں جبکہ راجستھان میں 8 بچوں سمیت 25 افراد کی موت ہوگئی، وہیں مدھیہ پردیش میں بھی دو افراد کی موت کی خبر ہے۔
ریاست اترپردیش کے کئی اضلاع میں آسمانی بجلی کے قہر سے کل 41 افراد ہلاک ہوگئے ہیں۔ کانپور ڈویژن میں 18، پریاگراج میں 13، کوشامبی میں 4، آگرہ میں 3، وارانسی، پرتاپ گڑھ اور رائے بریلی اضلاع میں ایک ایک شخص ہلاک ہوئے ہیں جبکہ 30 سے سے زیادہ افراد زخمی بھی ہوئے ہیں۔
بجلی گرنے سے سب سے زیادہ نقصان کانپور ڈویژن میں ہوا ہے۔ کانپور دیہی علاقوں کی تحصیل بھگنی پور کے مختلف گاوں میں پانچ افراد ہلاک ہوئے ہیں۔ وہیں گھاٹم پور میں ایک، ضلع فتح پور میں سات اور ہیرپور کے گاو¿ں میں دو افراد کی موت ہوگئی۔
باندا کوتوالی کے علاقہ موتیاری گاو¿ں میں ایک 13 سالہ بچی اور انناو¿ کے گاو¿ں سرائے بیدرا میں دو بچے کی جان چلی گئی۔ گھاٹم پور میں 38 مویشیوں کی بھی ہلاکت ہوئی ہے۔ پریاگراج میں گرج چمک کے ہوئی بارش کے دوران مختلف علاقوں میں آسمانی بجلی گرنے سے 13 افراد ہلاک ہوگئے اور چار افراد زخمی ہو گئے۔زخمیوں کو علاج کے لیے ہسپتال میں داخل کرایا گیا ہے۔ پریاگ راج کے علاقے کورون میں تین، باڑہ میں تین اور کارچھنا میں دو افراد اپنی زندگی سے ہاتھ دھو بیٹھے۔گنگا پور کی تحصیل سوراوں میں پانچ افراد کی موت ہو گئی۔
اسی دوران راجستھان میں بھی مختلف علاقوں میں آسمانی بجلی گرنے کے باعث چار مختلف مقامات پر دردناک حادثات پیش آئے، جن میں 25 افراد کی موت ہوگئی۔ جے پور کے عامر میں آسمانی بجلی گرنے سے 16 افراد ہلاک ہوگئے ہیں جبکہ متعدد افراد کے زخمی ہونے کی اطلاع ہے۔
