نیوز ڈیسک
نئی دہلی//ٹرانسپورٹ، سیاحت اور ثقافت سے متعلق پارلیمانی قائمہ کمیٹی نے پیر کو شہری ہوابازی کی وزارت کے نمائندوں سے ‘ہوائی کرایوں کے تعین’ کے معاملے پر سماعت کی۔ہوائی جہاز کے کرائیوں کے تعین پر سول ایوی ایشن کی وزارت کے حکام کو سننے کے لیے کمیٹی کے ارکان کا اجلاس دوپہر میں ہوا۔یہ میٹنگ تشدد سے متاثرہ منی پور سے آنے والی پروازوں کے کرایوں میں “زبردست اضافہ” کی اطلاعات کے درمیان ہوئی ہے جب کہ کچھ ایئر لائنز نے عارضی طور پر کچھ چارجز کو معاف کر دیا ہے جس میں پروازوں کو ری شیڈول کرنے کے لیے بھی شامل ہے۔پارلیمانی پینل کے ارکان نے کہا کہ ہوائی کرائیوں کے معاملے پر بحث ضروری ہے۔کمیٹی نے بتایا، “کئی بار دیکھا گیا ہے کہ موسم گرما کی تعطیلات میں ہوائی کرایوں میں اضافہ ہو جاتا ہے۔ آج ہوابازی کی وزارت کے حکام کو بلایا گیا ہے اور ہوائی کرائیوں کے بارے میں بات چیت کی جائے گی”۔
