عظمیٰ نیوزڈیسک
واشنگٹن// امریکی صدر ڈونلڈ ٹرمپ نے دعویٰ کیا کہ ہندوستان کے ساتھ تجارتی معاہدہ تقریباً تیار ہے اور جلد ہی اس پر دستخط ہو سکتے ہیں۔ ٹرمپ نے یہ بات ہندوستان میں امریکہ کے نئے سفیر سرجیو گور کی تقریب حلف برداری کے دوران کہی۔ ان کا کہنا تھا کہ ’’ہم ہندوستان کے ساتھ ایک نیا سمجھوتہ کرنے جا رہے ہیں جو پچھلے معاہدے سے مختلف ہوگا اور اس بار دونوں ممالک کو یکساں طور پر فائدہ ہوگا۔‘‘صدر ٹرمپ نے کہا کہ ان کی اور وزیر اعظم نریندر مودی کی آپس میں بہت اچھی سمجھ ہے۔ انہوں نے ہندوستان کو امریکہ کے لئے ایک انتہائی اہم بین الاقوامی شراکت دار قرار دیا۔ ٹرمپ نے کہا کہ ہمیں امید ہے کہ سرجیو گور ہندوستان اور امریکہ کے درمیان تعلقات کو مزید مضبوط کریں گے۔ ہندوستان دنیا کی قدیم ترین تہذیبوں میں سے ایک کا گھر، دنیا کا سب سے بڑا ملک ہے، ہمارے وزیر اعظم مودی کے ساتھ بہت اچھے تعلقات ہیں اور سرجیو کو اسے اور بھی بہتر بنایا ہے، کیونکہ وہ پہلے سے ہی وزیر اعظم کے ساتھ دوستانہ تعلقات استوار کر چکے ہیں۔‘‘خیال رہے کہ ہندوستان میں امریکہ کے نئے سفیر سرجیو گور کو نائب صدر جے ڈی وینس نے حلف دلایا۔ اس موقع پر سیکرٹری آف اسٹیٹ مارکو روبیو اور ٹریڑری سیکرٹری اسکاٹ بیسنٹ بھی موجود تھے۔ حلف برداری کی تقریب میں ٹرمپ نے ایک بار پھر ہندوستان کی تعریف کرتے ہوئے کہا کہ یہ تیزی سے ترقی کرتی ہوئی معیشت ہے اور ہند-بحر الکاہل خطے میں ایک اہم سیکورٹی پارٹنر ہے۔ نائب صدر وینس نے بھی گور کو مبارکباد دیتے ہوئے کہا کہ وہ اور صدر ٹرمپ دونوں ہندوستان کی دل کی گہرائیوں سے تعریف کرتے ہیں۔سرجیو گور نے صدر ٹرمپ کا شکریہ ادا کیا اور کہا کہ وہ ہندوستان امریکہ تعلقات کو مزید مضبوط بنانے کے لیے تندہی سے کام کریں گے۔ انہوں نے کہا کہ ’’میں آپ کے ساتھ کئی سالوں سے ہوں اور آگے بھی رہوں گا۔
