کچپارہ کنگن پارک لاپرواہی کا شکار

گاندربل//سال 2011 میں کچ پارہ کنگن میں نالہ سندھ اور نالہ وانگت کے کنارے پر سندھ ویو ماحولیاتی پارک بنائی گئی تھی جو اونچائی پر موجود ہونے سے پارک میں جانے والوں کو چاروں طرف قدرت کے دلفریب مناظر سے لطف اندوز کرواتی تھی لیکن رواں سال پہلی مرتبہ محکمہ جنگلات کی عدم توجہی اور لاپرواہی سے پارک ویرانی کی مثال پیش کرتی ہے۔ پارک میں نہ پھول لگائے گئے ہیں اور نہ ہی لائٹنگ کا معقول انتظام کیا گیا ہے۔ پارک میں سال میں دو مرتبہ پھول اگائے جاتے تھے جبکہ 2016 میں پارک کے چاروں طرف سولر لائٹس لگائی گئی تھیں جن میں سے ایک بھی موجود نہیں ہے۔ محکمہ کے ڈویژنل آفیسر شمع روحی نے اس ضمن میں بتایا کہ اس سال فنڈ کی عدم فراہمی کی وجہ سے لائٹنگ ٹھیک کرنا یا پھول لگاناممکن نہیں ہوسکا لیکن اب رقومات واگزار ہوچکے ہیںاورفی الفور کام شروع ہوگا۔