عظمیٰ نیوز سروس
سرینگر// سیکورٹی فورسز کی مشترکہ ٹیموں نے جمعہ کو جنوبی کشمیر میں کوکرناگ کے گھنے اہلن گڈول جنگلات سے دوسرے لاپتہ آرمی کمانڈو کی لاش برآمد کی، جہاں گزشتہ چار دنوں سے بڑے پیمانے پر تلاشی مہم جاری ہے۔حکام نے کہا کہ یہ لاش ناہموار اور گھنے جنگلاتی علاقے میں تلاشی کے ایک تیز آپریشن کے دوران ملی ، جو حالیہ دنوں میں سب سے زیادہ چیلنجنگ کا مرکز رہا۔ یہ بازیابی فوج کے 7 پیرا (سپیشل فورسز) یونٹ کے ایک اور ایلیٹ پیرا ٹروپر کی لاش اسی جنگلاتی علاقے سے برآمد ہونے کے ایک دن بعد ہوئی ہے۔ دونوں کمانڈوز علاقے میں غیر ملکی ملی ٹینٹوں کی موجودگی کے بارے میں مصدقہ انٹیلی جنس اطلاعات کے بعد شروع کیے گئے آپریشن کے دوران برفانی طوفان میں لاپتہ ہو گئے تھے۔
