کوٹرنکہ کی رابطہ سڑکوں پر اوور لوڈنگ کا سلسلہ عروج پر

محمد بشارت
کوٹرنکہ //کوٹرنکہ سب ڈویژن کی رابطہ سڑکوں پر شدید اوور لوڈنگ کا سلسلہ بدستور جاری ہے تاہم محکمہ پولیس اور ٹریفک حکام کی جانب سے غیر قانونی عمل میں ملوث ٹرانسپورٹروں کےخلاف کوئی کارروائی نہیں کی جارہی ہے ۔مقامی لوگوں نے ٹریفک حکام کو تنقید کا نشانہ بناتے ہوئے کہاکہ سب ڈویژن کی لگ بھگ سبھی رابطہ سڑکوں پر چھوٹی اور بڑی گاڑیوں میں شدید نوعیت کی اوور لوڈنگ کی جاتی ہے ۔انہوں نے بتایا کہ حکام کی آنکھوں کے سامنے قوانین کی دھجیاں اڑائی جاتی ہیں لیکن کوئی دھیان ہی نہیں دیاجارہا ہے ۔مسافروں نے بتایا کہ جب تک ڈرائیوروں کی جانب سے سٹیشن پر اوور لوڈنگ نہیں کی جاتی تب تک ڈرائیور سٹیشن سے گاڑی ہی نہیں چلاتے اور کہنے پر شدید نوعیت کی بد تمیزی کی جاتی ہے جبکہ کئی بار شکات کرنے والے کو ہی گاڑی سے نکال دیا جاتا ہے ۔مقامی معززین نے کہا کہ ٹریفک حکام کی لاپرواہی کی وجہ سے چند روپےوں کی خاطر لوگوں کی زندگیوں کو خطرے میں ڈالا جارہا ہے ۔مقامی لوگوں نے مانگ کرتے ہوئے کہاکہ کوٹرنکہ ،بدھل اور خواص کی رابطوں سڑکوں پر جاری غیر قانونی عمل پر قدغن لگائی جائے تاکہ لوگوں کی زندگیاں کی حفاظت ہو سکے ۔