عظمیٰ نیوز سروس
کولگام// سیکورٹی فورسز نے جنوبی کشمیر کے کولگام ضلع کے دمحال ہانجی پورہ کے جنگلاتی علاقے میں مشترکہ تلاشی کارروائی کے دوران ملی ٹینٹوں کے دو پرانے ٹھکانوں کا پردہ فاش کیا۔ حکام نے پیر کو بتایاکہ یہ آپریشن 9 راشٹریہ رائفلز اور پولیس نے مشترکہ طور پر مخصوص انٹیلی جنس معلومات کے بعد شروع کیا تھا۔پولیس نے کہا، احمد آباد اور نینگری پورہ کے جنگلاتی علاقوں کے درمیان دو پرانے ٹھکانوں کا سراغ لگایا گیا اور بعد میں انکو تباہ کیا گیا۔ان کا کہنا تھا کہ خفیہ خانوں سے گیس سلنڈر اور کپڑوں سمیت کچھ اشیا برآمد ہوئی ہیں جبکہ مزید تفتیش جاری ہے۔
