کورونا کی رفتار دم توڑنے لگی

سرینگر //وادی میں مسلسل دوسرے دن بھی کورونا وائرس سے متاثر ہونے والے افراد کی تعداد 50سے کم ہے۔ پچھلے  24گھنٹوں کے دوران کورونا وائرس کی تشخیص کیلئے 63ہزار 739ٹیسٹ کئے گئے جن میں 14مسافروں سمیت مزید 137افراد کی رپورٹیں مثبت آئی ہیں جن میں 100جموں صوبے جبکہ 37کشمیر سے تعلق رکھتے ہیں۔ جموں و کشمیر میں متاثرین کی مجموعی تعداد 4لاکھ 52ہزار 547ہوگئی ہے ۔ اس دوران جموں و کشمیر میں ایک مرتبہ پھر اموات کا سلسلہ تھم گیا ہے۔ منگل کو کورونا وائرس سے کسی موت نہیں ہوئی ہے۔ متوفین کی مجموعی تعداد 4747بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں منگل کو کورونا وائرس سے مزید 137افراد متاثر ہوئے ہیں جن میں  جموں میں  100جبکہ 37کشمیر سے تعلق رکھتے ہیں۔ کشمیر کے پلوامہ ، کپوارہ، گارندربل اور شوپیان میں کسی کی رپورٹ مثبت نہیں آئی ہے جبکہ دیگر 6اضلاع میں 37افراد کی رپورٹیں مثبت آئیں جن میں سرینگر میں 22، بارہمولہ میں 3، بڈگام میں 7، اننت ناگ میں 1، بانڈی پورہ میں 3جبکہ کولگام میں ایک کی رپورٹ مثبت آئی ہے۔ کشمیر میں متاثرین کی مجموعی تعداد 2لاکھ 86ہزار 911ہوگئی ہے۔ اس دوران وادی میں ایک مرتبہ پھر اموات کا سلسلہ تھم گیا ہے۔ وادی میں گذشتہ 24گھنٹوں کے دوران کورونا وائرس سے کسی کی جان نہیں گئی ہے۔ کشمیر صوبے میں متوفین کی مجموعی تعداد 2423بنی ہوئی ہے۔ جموں صوبے میں کورونا وائرس سے مزید 100افراد متاثر ہوئے ہیں جن میں 12بیرون ریاستوں سے سفر کرکے جموں پہنچے جبکہ دیگر 88افرادمقامی سطح پر رابطے میں کمی کی وجہ سے متاثر ہوئے ہیں۔ جموں صوبے میں متاثر ہونے والے 100افراد میں ضلع جموں میں30، ادھمپور میں 22، راجوری میں3، ڈوڈہ میں 25، کٹھوعہ میں 6، سانبہ میں2،کشتواڑ میں 0،پونچھ میں3، رام بن میں 8 جبکہ ریاسی میں ایک کی رپورٹ مثبت آئی ہے۔ جموں صوبے میں متاثرین کی مجموعی تعداد 1لاکھ 65ہزار 636ہوگئی ہے۔ اس دوران جموں صوبے میں بھی وائرس سے کسی کی موت نہیں آئی ہے۔ جموں صوبے میں متوفین کی تعداد 2324بنی ہوئی ہے۔