پنے/ اچھے آغاز کے بعد لڑکھرانے والی کنگس الیون پنجاب کی ٹیم کو چنئی سپر کنگس کے خلاف اتوار کو ہونے والے مقابلے میں، جیت کے ساتھ اچھے رن ریٹ کی بھی ضرورت ہے تاکہ وہ آئی پی ایل 11 کے پلے آف کے لئے کوالیفائی کرسکے ۔پنجاب کے لئے اس وقت جو مثبت بات ہے وہ یہ ہے کہ اس کا لیگ میچ ٹورنامنٹ کا آخری لیگ میچ ہے اور وہ سارے حالات سے بخوبی واقف کہ اسے پلے آف میں پہنچنے کے لئے کیا کرنا ہے ۔پنجاب اس وقت 13 میچوں میں چھ فتوحات اور 12 پوائنٹ کے ساتھ ساتویں مقام پر ہے جبکہ چنئی کل دلی میں اپنا گزشتہ میچ ہارنے کے باوجود پلے آف کے لئے پہلے ہی کوالیفائی کرچکی ہے ۔ اگر چنئی کی ٹیم کل کا میچ جیت لیتی ہے تو پنجاب کی ٹیم باہر ہوجائے گی۔ہندوستانی آف اسپنر روی چندر اشون کی کپتانی والی پنجاب کی ٹیم کو یہ میچ جیتنے کے ساتھ ساتھ اپنے نیٹ رن ریٹ میں بھی اصلاح کرنی ہے ۔ پنجاب کا نیٹ رن ریٹ مائنس 0.490 ہے اور اسے سدھارنے کے لئے اسے 200 فیصدی کارکردگی کا مظاہرہ کرنا ہوگا۔پنجاب کو رن ریٹ میں تو آگے نکلنا ہی ہوگا بلکہ دوسری ٹیموں کے ہارنے کی دعا بھی کرنی ہوگی۔ پنجاب کو اگر پلے آف میں جانا ہے تو اسے امید کرنی ہوگی کہ ممبئی کی ٹیم اپنا آخری میچ دلی کے ہاتھوں گنوا دے ۔پنجاب کی سب سے بڑی مشکل اس وقت اس کا نیٹ رن ریٹ ہے جو آخری میچ جیتنے کے باوجود اسے ٹورنامنٹ سے باہر کراسکتا ہے ۔ پنجاب کے کھلاڑیوں کو بہترین کارکردگی کا مظاہرہ کرنا ہوگا تاکہ وہ بڑی جیت حاصل کرسکے ۔
کنگس الیون پنجاب کو بڑی جیت کے ساتھ اچھے رن ریٹ کی ضرورت
