عظمیٰ نیوز سروس
قاضی گنڈ//کمشنر سٹیٹ ٹیکسز ڈیپارٹمنٹ ڈاکٹر رشمی سنگھ نے اَنفورسمنٹ آفس لور مُنڈا کا دورہ کیااور اُنہوں نے وہاں ڈپٹی کمشنر سٹیٹ ٹیکسز انفورسمنٹ جنوبی کشمیر لور مُنڈا کے آفس کی مرمت اور تزئین و آرائش کے کام کا اِفتتاح کیا۔اِفتتاحی سیشن کے بعد بنیادی ڈھانچے اور محکمہ کے کام کاج کا مجموعی جائزہ کمشنر کو پیش کیا گیا۔بعدمیں ڈاکٹر رشمی سنگھ نے اَنفورسمنٹ آفس سائوتھ کشمیر لورمُنڈا میں صفائی مہم کی قیادت بھی کی جو کہ’ سوچھتا ہی سیوا مہم‘ کے تحت چلائی گئی۔سٹیٹ ٹیکسز ڈیپارٹمنٹ کے اَفسران اورملازمین بھی صفائی مہم میں شامل ہوئے۔ڈاکٹر رشمی سنگھ نے افسران پر زور دیا کہ وہ جموں و کشمیر یوٹی کے ریونیو کو بڑھانے کے لئے بہت زیادہ جوش اور لگن کے ساتھ کام کریں۔اَیڈیشنل کمشنر سٹیٹ ٹیکسزنے جی ایس ٹی میں نفاذ کی سرگرمیوں کی اہمیت اور ریاست کے مجموعی محصولات میں اس کے کردار پر روشنی ڈالی۔اُنہوں نے محکمہ کے افسران اورملازمین کو ہدایت دی کہ وہ جی ایس ٹی کے تحت نفاذ کی سرگرمیوں کو وسیع کریں۔
