عظمیٰ نیوز سروس
سرینگر//حکام نے منگل کو کہا کہ مرکز نے اب تک نیم فوجی دستوں کی تقریباً 300 کمپنیاں وادی کشمیر میں انتخابی ڈیوٹی کے لیے تعینات کی گئی ہیں۔انہوں نے کہا کہ کمپنیوں کو سرینگر، ہندواڑہ، گاندربل، بڈگام، کپواڑہ، بارہمولہ، بانڈی پورہ، اننت ناگ، شوپیان، پلوامہ، اونتی پورہ اور کولگام میں تعینات کیا گیا ہے۔ انہوں نے مزید کہا کہ نیم فوجی دستوں کی 298 کمپنیاں ،جن میں سینٹرل ریزرو پولیس فورس، بارڈر سیکورٹی فورس، سہسترا سیما بال اور انڈو تبت بارڈر پولیس شامل ہیں، وادی کشمیر میں اسمبلی انتخابات کے پرامن انعقاد کے لیے سیکورٹی فراہم کرنے کے لیے تعینات کی گئی ہیں۔حکام کے مطابق سرینگر میں سب سے زیادہ کمپنیاں (55) ہیں، اس کے بعد اننت ناگ (50)، کولگام (31)، بڈگام، پلوامہ، اور اونتی پورہ پولیس اضلاع (ہر ایک میں 24)، شوپیان (22)، کپواڑہ (20) ، بارہمولہ (17)، ہندواڑہ 15، بانڈی پورہ 13، اور گاندربل (3)ہیں۔تین مرحلوں میں ہونے والی پولنگ کے پہلے مرحلے کا نوٹیفکیشن منگل کو جاری کیا گیا ۔ پہلے مرحلے کے لیے ووٹنگ 18 ستمبر، دوسرے مرحلے کے لیے 25 ستمبر اور تیسرے اور آخری مرحلے کی ووٹنگ یکم اکتوبر کو ہو گی۔
