سرینگر//پاکستان نے کہا ہے کہ بھارت دنیا کاا اسلحے کا سب سے بڑ درآمدکار ہے اورعالمی برادری بھی بھارت کی اسلحہ کی دوڑاوربھوک سے نظریں چراتی ہے۔ادھر وزیراعلی پنجاب شہبازشریف نے فوج کی فائرنگ سے پروفیسرسمیت طلباءاوردیگر کشمیری نوجوانوں کے جان بحق ہونے پردکھ اورافسوس کا اظہارکرتے ہوئے ان کی عظیم قربانیوں کوخراج عقیدت پیش کیا اورزخمیوں کی جلد صحت یابی کیلئے دعاکی۔ اسلام آباد میں انسٹی ٹیوٹ آف اسٹریٹجک اسٹڈیزکے زیراہتمام“بھارت۔ ایک ریاکارعلاقائی طاقت”کے عنوان سے منعقدہ بین الاقوامی سیمینارسے خطاب کے دوران پاکستانی وزیردفاع انجینئرخرم دستگیرکا کہنا تھاکہ بھارت کا مکروہ چہرہ پوری دنیا کے سامنے ہے، انسانی حقوق کی خلاف ورزیاں اوردیگرمسائل ہر روز سامنے آرہے ہیں لیکن عالمی برادری بھارت کی اسلحہ کی دوڑ اوربھوک سے بھی صرف نظرکررہی ہے، عالمی طاقتوں کے سربراہان بھارت مصالحے دار کھانا کھانے نہیں بلکہ اپنا اسلحہ بیچنے جاتے ہیں کیونکہ بھارت دنیا کا سب سے بڑا اسلحے کا درآمدکار ہے۔وزیر دفاع کا کہنا تھا کہ بھارت کو اس کے میڈیا اور فلموں کے تناظر میں مت دیکھیں،بظاہر ابھرتا ہوا رائزنگ شائننگ انڈیا درحقیقت جعلی انڈیا ہے، جنگی جنون میں مبتلا بھارتی میڈیا حقائق مسخ کرکے پیش کررہاہے، بھارت ریاستی جبر کرکے کشمیر سمیت دیگر علاقوں میں اپنے حقوق کی جدوجہدوں کو دبا تاآرہا ہے، بھارت منفی ہتھکنڈے استعمال کرکے کشمیریوں کی حق خودارادیت کی جدوجہد کو نہیں دبا سکتا۔خرم دستگیر نے کہا کہ ڈبلیو ٹی او میں بھارت کے پاکستان سے رویے کو قریب سے دیکھ چکا ہوں، بھارت پاکستان کے لئے اپنی مارکیٹ کبھی نہیں کھولے گا، بھارت پاکستان کے ساتھ آزادانہ تجارت کا حامی ہے مگر اپنی شرائط پر، ہمیں اپنی معیشت کو تقویت اور سیاسی استحکام لانا ہوگا، اقتصادی استحکام کے لئے پاکستان کو ایک دہائی تک 7 فیصد کی شرح نمو درکار ہے۔ وزیراعلی پنجاب شہبازشریف کا کہنا ہے کہ بھارت نے کشمیرمیں فائرنگ سے پروفیسرسمیت طلباءاوردیگر کشمیری نوجوانوں کی شہادت پردکھ اورافسوس کا اظہارکرتے ہوئے شہداءکی عظیم قربانیوں کوخراج عقیدت پیش کیا اورزخمیوں کی جلد صحت یابی کیلئے دعا۔
کشمیر میں انسانی حقوق کی سنگین پامالیاں قابل تشویش:پاکستان
