عاصف بٹ
کشتواڑ// ضلع کشتواڑ میں قصبہ کے قریبی جنگلات میں گزشتہ کی روز سے بھیانک آگ بھڑک اٹھی ہے جس پر ہنوز قابو نہیں پایاگیااور ابھی تک سینکڑوں کی تعداد میں درخت جل کرخاکستر ہوچکے ہیں ۔مقامی لوگوں نے بتایا کہ گزشتہ کئی روز سے نیگنشیر کے جنگلات میں شدید آگ لگی ہوئی ہے جبکہ کئی روز گزرجانے کے بعد بھی اس پر قابو نہیں پایا گیا ہے اور آگ نے سینکڑوں درختوں کو خاکستر کردیاہے۔ وہیں جمعرات کی دوپہر کو قصبہ کے قریبی جنگل میں بھی آگ بھڑک اٹھی۔ آگ اس قدر شدید ہے کہ اس نے سینکڑوں درختوں کو اپنی لپیٹ میں لیاہے۔ پورا علاقہ اس وقت گہرے دھویں کی لپیٹ میں ہے اور آگ کے شعلے کئی کلومیٹر دور سے بھڑکتے دکھائی دے رہے ہیں۔محکمہ نے بتایا کہ آگ لگنے کی وجوہات کے بارے میں معلوم نہ ہوسکا تاہم آگ بجھانے کیلئے کاروائی جاری ہے۔ پورے علاقے میں دھواں ہی دھواں ہے۔ وہیں ضلع کے دیگر جنگلات مئں بھی آگ کی وارداتوں کی اطلاع ملی ہے۔ انتظامیہ نے عوام سے جنگلات میں اگ لگانے والوں کے بارے میں کنٹرول روم میں بتانے کو کہا ہے اور اگر کوئی شخص جانبھوج کر اگ لگاتے پکڑا گیاتو فارسٹ ایکٹ کے تحت اسپر کاروائی ہوگی۔۔
