کالعدم تنظیموں کیخلاف کریک ڈائون

 اسلام آباد//پاکستان نے کہا ہے کہ قومی ایکشن پلان کے تحت 121 افراد کو اب تک حفاظتی تحویل میں لے لیا گیا ہے۔وزارتِ داخلہ کی جانب سے جاری اعلامیہ کے مطابق نیشنل ایکشن پلان کے تحت صوبائی حکومتوں نے 182 مدارس، 34 اسکول و کالجز اور 5 اسپتالوں کو اپنی تحویل میں لیا ہے۔اس کے علاوہ صوبائی حکومتوں نے 163 ڈسپنسریوں، 184 ایمبولینسز اور8 دفاتر کو بھی تحویل میں لیا ہے۔وزارت داخلہ کے اعلامیہ میں کہا گیا ہے کہ کالعدم تنظیموں کے خلاف آپریشن نیشنل ایکشن پلان کے تحت جاری ہے، وزارت داخلہ صوبائی حکومتوں اور قانون نافذ کرنے والے اداروں کیساتھ رابطے میں ہے۔واضح رہے کہ نیشنل ایکشن پلان کے تحت کالعدم تنظیم جیشِ محمد کے سربراہ مولانا مسعود اظہر کے بھائی مفتی عبدالرؤف اور بیٹے حماد اظہر کو بھی حفاظتی تحویل میں لیا گیا ہے۔