نئی دہلی//نیشنل کانفرنس صدر اور ممبر پارلیمنٹ ڈاکٹر فاروق عبداللہ نے نئی دہلی میں مرکزی وزیر داخلہ راج ناتھ سنگھ سے ملاقات کی ،جس دوران انہوں نے بٹھنڈی واقعہ سے متعلق تشویش کا اظہار کیا۔پارٹی ترجمان کے مطابق ڈاکٹر فاروق نے راج ناتھ سے مطالبہ کیا کہ اُنکی جموں رہائش گاہ پر پیش آئے واقعہ کی غیر جانبدارانہ تحقیقات کی جائے کہ کس طرح ا نکی رہائش گاہ پر ایک نوجوان کی ہلاکت کا واقعہ پیش آیا۔ ڈاکٹر فاروق نے مرکزی وزیر داخلہ کی نوٹس میں لایا کہ میڈیا میں مہلوک نوجوان کے اہلخانہ اور دوستوں کی جانب سے مختلف رائے سامنے آرہی ہے، لہٰذا قیاس آرائیوں کو ختم کرکے حقائق کو منظر عام پر لانے کی ضرورت ہے۔ عبداللہ نے مرکزی وزیر داخلہ کوبتایا کہ مہلوک نوجوان کے لواحقین کی تشویش کو صرف نظر نہیں کیا جاسکتا ،وہ یہ جاننا چاہتے ہیں ا نکے بیٹے کی موت کن حالات میں ہوئی۔راج ناتھ سنگھ نے ڈاکٹر فاروق کی تشویش پر یہ یقین دہانی کرائی کہ اس واقعہ کی ہر زاویے سے تحقیقات کی جائیگی اورحقائق جاننے کیلئے موثر اقدامات اٹھائے جائیں گے۔
ڈاکٹر فاروق کی راجناتھ سے ملاقی
