فیاض بخاری
بارہمولہ//حکومت نے پیر کو انچارج چیف ایجوکیشن آفیسر بارہمولہ بشیر احمد شاہ کو ڈائریکٹوریٹ آف سکول ایجوکیشن کشمیر کے دفتر سے منسلک کر دیا۔اس سلسلے میں محکمہ سکول ایجوکیشن کی طرف سے جاری ایک حکم نامہ میں کہا گیا ہے کہ ” زیر التوا انکوائری، بشیر احمد شاہ، انچارج چیف ایجوکیشن آفیسر بارہمولہ کو ڈائریکٹوریٹ آفس میں فوری طور سے منسلک کیا گیا ہے۔ مزید برآں چیف ایجوکیشن آفیسربانڈی پورہ، اگلے احکامات تک چیف ایجوکیشن آفیسربارہمولہ اور پرنسپل DIET سوپورکے عہدے کا چارج سنبھالیں گے۔جوائنٹ ڈائریکٹر ایجوکیشن (نارتھ)، کشمیر کو معاملے کی تحقیقات کرنے اور 15 دنوں کے اندر انتظامی محکمہ کو رپورٹ پیش کرنے کو کہا گیا ہے۔انچارج سی ای او نے2023 اور 2017 میں حکومت کی طرف سے جاری کردہ سرکیولر کا حوالہ دیتے ہوئے ملازمین کو ہدایت کی تھی کہ وہ رہنما خطوط اور قانونی اصولوں پر سختی سے عمل کریں، اور غیر ضروری بحث و مباحثے اور سوشل میڈیا پلیٹ فارم پر غیر مناسب مواد کو شیئر کرنے/تبصرے کرنے/پوسٹ کرنے سے گریز کریں۔منسلکہ آرڈر وزیر برائے سکول ایجوکیشن سکینہ ایتو کی ہدایت پر جاری کیا گیا ہے۔
