واشنگٹن//امریکہ کے نائب صدر مائک پینس، وزیر خارجہ مائک پومپیو اور دیگر اعلیٰ افسران نے صدر ڈونالڈ ٹرمپ سے ایران کے جوہری پروگرام کے سلسلے میں اس پر حملہ نہ کرنے کی گذارش کی ہے۔ نیویارک ٹائمز نے یہ رپورٹ دی ہے۔
شائع رپورٹ میں کہا گیا ہے کہ ٹرمپ نے پینس، پومپیو، وزیر دفاع کرسٹوفر ملر اور چیئرمین جوائنٹس چیفس جنرل مارک میلی سے گذشتہ ہفتے ایران کے جوہری پروگرام پر آئندہ کچھ ہفتوں میں کاروائی کے بارے میں دریافت کیا تھا۔
اخبار نے بتایا ہے کہ ٹرمپ نے عالمی ادارہ برائے نیوکلیائی توانائی (آئی اے ای اے) کے مشاہدین کی جانب سے ایران کے یورینیم ذخیرہ اندوزی کو مشترکہ جامع عملی منصوبہ (جے سی پی او اے) کے تحت اجازت شدہ مقدار سے 12 گنا تک اضافہ کیے جانے کے بعد یہ میٹنگ کی تھی۔
رپورٹ میں کہا گیا ہے کہ امریکہ کے اعلیٰ افسران نے ٹرمپ کو بتایا کہ اس طرح کی کاروائی ایک بڑی جنگ میں تبدیل ہو سکتی ہے۔
