سرینگر/ضلع پونچھ میں کنٹرول لائن پر سوموار کو بھارت اور پاکستان کی افواج کے درمیان تازہ فائرنگ اور شیلنگ کے نتیجے میں بارڈر سیکورٹی فورسز (بی ایس ایف) کاایک آفیسرہلاک جبکہ چار دیگر اہلکار زخمی ہوگئے۔
بی ایس ایف کے ایک ترجمان کے مطابق بی ایس ایف انسپکٹر اور چار اہلکار پاکستانی فائرنگ کی زد میں آکر زخمی ہوگئے جن میں سے انسپکٹر بعد میں چل بسا۔
واضح رہے کہ آر پار گولہ باری کے نتیجے میں یہاں آج ہی ایک کمسن بچی بھی جاں بحق ہوگئی جبکہ دیگر پانچ شہری زخمی ہوگئے۔
اطلاعات کے مطابق بھارت اور پاکستان کی افواج نے کنٹرول لائن پر کرشنا گھاٹی،منکوٹ اور دیگر علاقوں میں ایک دوسرے کے ٹھکانوں کو مارٹر گولوں سے نشانہ بنایا ۔
