عاصف بٹ
کشتواڑ //ضلع پولیس کشتواڑ نے اپنی خدمات کو عام لوگوں تک پہنچانے اور ان کی شکایات کے ازالے کے لئے اپنی کوششیں جاری رکھتے ہوئے متعدد فون کو برآمد کر لیا ۔سائبر سیل کو مختلف لوگوں کے موبائل غائب ہونے کی مختلف شکایات موصول ہوئی تھیں۔ اس پر کشتواڑ پولیس کے سائبر سیل نے بھرپور کوششوں کے بعد 15 گمشدہ موبائل فون کو تلاش کرکے برآمد کئے۔ ایس ایس پی کشتواڑ عبدالقیوم نے گمشدہ موبائل فون ان کے جائز مالکان کے حوالے کیا۔ انہوں نے عام لوگوں سے اپیل کی کہ وہ اپنے موبائل کا زیادہ خیال رکھیں کیونکہ موبائل فون میں ہمیشہ کسی فرد کا ذاتی ڈیٹا ہوتا ہے اور اس کے غلط استعمال کا ہر ممکن امکان ہوتا ہے۔ اپنے گمشدہ موبائل فون ملنے پر مالکان نے خوشی محسوس کی اور ضلع کشتواڑ پولیس و خاص طور پر ایس ایس پی کشتواڑ سے اپنے گمشدہ موبائلوں کا سراغ لگانے میں ان کی سخت کوششوں کیلئے شکریہ ادا کیا۔ ایس ایس پی کشتواڑ نے موبائل آلات کی حفاظت کی اہمیت پر زور دیا کیونکہ ان میں اکثر حساس معلومات ہوتی ہیں، جو ان کے غلط استعمال سے وابستہ ممکنہ خطرات کو اجاگر کرتی ہیں۔ انہوں نے عوام پر زور دیا کہ وہ اپنے موبائل فون کو سنبھالنے میں انتہائی احتیاط برتیں تاکہ کسی بھی ناخوشگوار واقعہ سے بچا جا سکے۔
