کپوارہ//فیروز پورپنجاب میں سراج پورہ ہندوارہ کے شال پھیری کرنے والے مزدرو کے قتل میں ملوث میاں بیوی کو گرفتار کرلیا گیاہے۔دو روز قبل اس قتل کیخلاف مقامی کشمیریوں نے احتجاجی مظاہرے کئے تھے جس کے بعد پولیس حرکت میں آئی اور کیس کو محض 36گھنٹوں کے اندر حل کرلیا۔قتل میں استعمال کی گئی موٹر سائیکل، مزدور کی سائیکل اور اسکا آدھار کارڈ ضبط کیا گیا ہے۔35سالہ مشتاق احمد میر ولد حبیب اللہ میر 17فروری کو شال ادھار لینے والے ایک شخص سے ملنے کیلئے اسکے گھر گیا ہوا تھا اور شام تک واپس نہیں آیا۔17فروری کی شب ہی اسکے دیگر ساتھیوں نے پولیس میں کیس درج کرلیا اور 18فروری کو پولیس تھانے کے باہر سینکڑوں کشمیری مزدوروں نے احتجاج کیا جس کے بعد پولیس حرکت میں آئی اور اس ضمن میں کیس زیر نمبر 36/2022درج کیا۔ ہفتہ کی صبح قتل میں ملو ث سونو ولد جنتا سنگھ اور اس کی اہلیہ بنت کورساکن سودھیوالا فیروز پور کو دفعہ 302کے تحت گرفتار کیا ۔فیروز پور میں مہلوک مشتاق کی لاش پوسٹ مارٹم کے بعد ہفتہ کی دوپہر وادی روانہ کی گئی ۔اس حوالہ سے ایس پی فیروز پور پنجاب ڈاکٹر نریندر بھارگو نے کشمیر عظمیٰ کو بتایا کہ جمعرات کے روز مشتاق احمد میر کے ساتھیوں نے مشتاق کی گمشدگی کی رپورٹ صدر تھانہ فیروز پور میں درج کرائی جس کے بعد پولیس نے ان کی تلاش شروع کی اور جمعہ کے روز ان کی لاش ایک کھیت میں پائی گئی۔ایس پی نے مزید کہا کہ انہوں نے تحقیقات کے لئے پولیس کی ایک سپیشل انوسٹگیشن ٹیم SIT تشکیل دی جنہوں نے معاملہ کے حوالے سے تفتیش میں تیزی لاتے ہوئے قتل میںملوث میاں بیوی کو گرفتار کر کے انکے خلاف قتل کاکیس درج کر کے مزید تحقیقات شروع کی ہے۔انہوں نے کہا کہ ابتدائی طور پر معلوم ہوا ہے کہ میاں بیوی نے مشتاق سے 7000روپے مالیت کے شال ادھار لئے تھے اور جب وہ پیسے مانگنے گیا تو میاں بیوی نے اسے کمرے میں بٹھایا اور چائے پینے کیلئے اصرار کیا۔ اس دوران چائے پینے کے دوران ہی سونو نے اپنی اہلیہ کے دوپٹے سے مشتاق کا گلا گھونٹ دیا اور اسے قتل کرنے کے بعد لاش کمرے میں چھپائی۔رات کے دوران میاں بیوی نے لاش کو بوری میں بند کیا اور موٹڑ سائیکل پر لیجا کر اسے گھر سے 2کلو میٹر دور ایک کھیت میں پھینک دیا۔راہل گاندھی فینز کے ضلع صدر کپوارہ بشیر احمد میرجو اس وقت فیروز پور میں قیام پذیر ہیں ،نے کشمیر عظمیٰ کو فون کر کے بتا یا کہ فیروز پور پولیس نے جمعہ کے روز معاملہ کی نسبت کیس درج کر کے تحقیقات شروع کی اور میاں بیو ی کو گرفتار کیا جو مشتاق احمد میر کے قتل میں ملو ث ہیں ۔بشیر احمد کا کہنا ہے کہ مشتاق احمد میر کے قتل پر یہا ں رہائش پذیر سینکڑوں کشمیریو ں نے مسلسل احتجا ج کیا جس کے بعد پولیس حرکت میں آگئی اور معاملہ کی نسبت کاروائی میں تیزی لائی ۔انہو ں نے کہا کہ ایس ایس پی فیروز پور ،ڈی ایس پی جگدیش کمار اور پولیس نے ان کی مدد کرتے ہوئے قتل میں ملو ث میاں بیوی کو گرفتار کیا ۔
پنجاب میں کشمیری شال پھیری والے کا قتل
