محمد تسکین
بانہال //جموں سرینگر شاہراہ پر پہاڑی سے غیر متوقع طور پر اچانک پتھروں کے گرنے والی جگہ پنتھیال سے اب چھٹکارا پانے کا وقت قریب آرہا ہے اور ٹی 5 سرنگ کا افتتاح اگلے ہفتے ہونے جارہا ہے۔ 880 میٹر ٹنل کے جڑواں ٹیوب پر کام 2020 میں شروع ہوا اور توقع ہے کہ اگلے پانچ دنوں میں مکمل ہو جائے گا۔ اس سے پتھرگرنے کا خطرہ ختم ہوجائے گا جس نے اب تک بے شمار انسانی جانیں ضائع کر دی ہیں۔پچھلے دو سالوں میں، اس اہم حصے پر ایک عارضی لوہے ( سٹیل ٹنل)کی سرنگ نے ہائی وے پر سفر کرنے والے لوگوں کو کچھ راحت فراہم کی۔لیکن پتھر گرنے کا سلسلہ ہموار نقل و حرکت میں بار بار رکاوٹوں کا باعث بنتا رہا۔”پنتھیال شاہراہ پر کئی دہائیوں سے ایک اہم حصہ رہا ہے۔
رامبن کے ڈپٹی کمشنر مسرت اسلام نے کہا کہ T5 سرنگ کے افتتاح کے ساتھ ہی اس خطرناک حصے سے چھٹکارا ملے گاجو کم و بیش تکمیل کے مرحلے میں ہے۔انہوں نے کہا کہ T5 سرنگ کے کھلنے سے سڑک پر اکثر ٹریفک جام کے ساتھ پتھر برسانے کا خوف ہمیشہ کے لیے ختم ہو جائے گا۔ انہوں نے کہا کہ T5 سرنگ کے کھلنے سے “پنتھیال کا بھوت ہمیشہ کے لیے آرام کرے گا”۔ ایک اور ٹویٹ میں، انہوں نے پیومنٹ کوالٹی کنکریٹ (PQC) کے کام کی تصاویر شیئر کیں جو T5 میں سب سے اوپر رکھی گئی ہیں۔ڈپٹی کمشنر نے کہا”ہمارے ضلع (رام بن) سے ناشری ٹنل سے بانہال سرنگ تک 66 کلومیٹر کا سب سے نازک حصہ گزرتا ہے۔ نیشنل ہائی وے اتھارٹی آف انڈیا اس منصوبے پر کام کر رہی ہے۔ تین بڑی سرنگوں ور کئی دیگر چھوٹی سرنگیں اور پل مکمل ہونے کے قریب ہیں جو سڑک کے دیگر اہم مقامات کوکو ایک طرف چھوڑ دیں گے،” ۔انہوں نے امید ظاہر کی کہ ضلع رام بن کا سفر جولائی کے آخر تک بہت آرام دہ ہو جائے گا۔انہوں نے کہا، “رام بن فلائی اوور ،جو رام بن مارکیٹ کو بائی پاس کرے گا، 15 اپریل تک، کرول کے قریب جیشوال پل 31 مارچ تک اور پیڈا اور چندر کوٹ کے درمیان 873 میٹر کنفر سرنگ کو اگلے ماہ تک کھولنے کی امید ہے۔” انہوں نے کہا”ہر روز اوسطاً 10,000 سے 11,000 گاڑیاںسرینگر اور جموں کے درمیان چلتی ہیں۔ یہ ایک لائف لائن اور واحد ہر موسم والی سڑک ہے۔تعمیراتی کمپنی نے کہا جو T5 ٹنل پر 200 سے زیادہ کارکن تیز رفتاری سے مکمل کرنے میں مصروف ہیں۔انہوں نے کہا کہ سرنگ کے کھلنے کو یقینی بنانے کے لیے انجینئرز، سپروائزر اور مزدور سب مل کر شفٹوں میں چوبیس گھنٹے کام کر رہے ہیں۔
