پلوامہ اور شوپیان میںشبانہ چھاپے، 25گرفتار

شوپیان //جنوبی کشمیر میں 6مئی کو انتخابات کے آخری مرحلے سے قبل بڑے پیمانے پر گرفتاریوں کا آغاز کردیا گیا ہے۔مورن پلوامہ اور کیگام شوپیان میں شبانہ چھاپوں کے دوران ایک درجن سے زائد نا بالغ طلباء سمیت 25نوجوانوں کو گرفتار کیا گیا جن میں آٹھویں جماعت میں زیر تعلیم دو سگے بھائی اور ایک کم عمر نوجوان کا والد بھی شامل ہیں۔پولنگ سے 5 روز قبل ہی سیکورٹی فورسز نے پیر اور منگل کی شب مورن شیخ پورہ بستی کا محاصرہ کیا اور گھر گھر تلاشی کارروائی کا آغاز کیا۔رات بھر فورسز اہلکار گھروں میں گھس کر کم عمر نوجوانوں، انکے والدین یا انکے بھائیوں کو بستروں سے گھسیٹتے رہے اور کل ملا کر 21نوجوانوں کو گرفتار کیا۔ان میں عبدالمجید نامی ایک شخص کے دو بیٹے بھی شامل ہیں، جو ساتھوں اور آٹھویں جماعت میں زیر تعلیم ہیں۔ اسکے علاوہ محمد اسمائیل شیخ کو بیٹے کے بدلے گرفتار کیا گیا۔گرفتار شدگان میں ایک درجن سے زائد نابالغ نوجوان ہیں۔واضح رہے کہ دو روز قبل ہی اسی بستی میں ایک جرنلسٹ کے بھائی کے مکان میں موجود سامان تہس نہس کیا گیا تھا اور اسکا فون نمبر بھی لیا گیا تھا۔گرفتاریوں کے نتیجے میں لوگوں میں خوف و ہراس کی لہر دوڑ گئی ہے اور عوام نے شدید برہمی کا اظہار کیا ہے۔ پولیس کا کہنا کہ مزکورہ نوجوانوں سے سنگبازی کے بارے میں پوچھ تاچھ کی جارہی ہے۔ادھر کیگام شوپیان میں فوج نے گھروں پر چھاپوں کے دوران عاشق نذیربٹ، سمیر مشتاق شاہ،عاشق مقبول لون،اور عاقب بشیر ڈار کو گرفتار کیا اور بعد میں کیگام پولیس کے حوالے کیا۔

 

نیوز ڈیسک

 

سرینگر // پولیس نے اس بات کا دعویٰ کیا ہے کہ جنوبی کشمیر کے پلوامہ ضلع میں ایک جنگجو نے تشدد کا راستہ ترک کر کے گھر واپسی کی ہے۔پولیس نے ٹویٹر پر ٹویٹ کرتے ہوے کہا ہے کہ عوامی حلقوں اور پولیس کی مشترکہ کوششوں سے پلوامہ ضلع میں ایک اور نوجوان نے تشدد کا راستہ ترک کر کے عام زندگی میں دوبارہ داخل ہوگیا ہے۔تاہم پولیس نے کہا ہے کہ اسکی شناخت سلامتی کے پیش نظر ظاہر نہیں کی جاسکتی۔

 

کولگام میں معمولات بحال