دھرمشالہ، 9 دسمبر (یو این آئی) سری لنکا کے خلاف محدود اوروں کی سیریز میں کپتانی سنبھالنے جارہے ہندوستانی سلامی بلے باز روہت شرما کا ماننا ہے کہ ون ڈے ہو یا آئی پی ایل ان کی کپتانی کرنے کا انداز ایک جیسا ہوتا ہے ۔ روہت ہندوستانی ٹیم کے کپتان وراٹ کوہلی کی غیر موجودگی میں سری لنکا کے خلاف اتوار سے یہاں شروع ہونے والے تین میچوں کی ون ڈے سیریز سے پہلی بار ٹیم کی کپتانی کریں گے ۔ روہت آئی پی ایل ممبئی انڈینس کے کپتان ہیں جس نے تین بار خطاب اپنے نام کیا ہے ۔ "روہت نے میچ سے قبل کی شام نامہ نگاروں سے مخاطب ہوتے ہوئے کہا کہ''یہ پوری طرح سے الگ چیز ہے لیکن کپتانی کا انداز اور طرز ایک جیسا ہی ہوتا ہے ۔ آئی پی ایل ٹیم کے مقابلے میں ہمارے پاس مختلف طرح کے کھلاڑی ہیں لیکن گزشتہ کچھ عرصے سے ان کے ساتھ کھیلنے کی وجہ سے مجھے ان کی مضبوطی اور کمزوریوں کے بارے میں معلوم ہے ۔ روہت نے ناگپور میں دوسرے ٹیسٹ میں سنچری لگاکر ٹسٹ میں شاندار واپسی کی ہے ۔
’ون ڈے ہو یا آئی پی ایل، کپتانی ایک جیسی‘
