عظمیٰ ویب ڈیسک
فرید آباد/مرکزی وزیر داخلہ امیت شاہ نے کی قیادت میں شمالی زونل کونسل کی 32 ویں میٹنگ منعقد ہوئی جس دوران خطے کی ریاستوں اور مرکز کے زیر انتظام علاقوں سے متعلق مسائل پر تبادلہ خیال کیا۔اجلاس کی شروعات میں لال قلعہ کے قریب 10 نومبر کو ہونے والے دھماکے میں جانیں گنوانے والوں کو خراج عقیدت پیش کرنے کیلئے ایک منٹ کی خاموشی اختیار کی گئی۔
شمالی زونل کونسل ہریانہ، ہماچل پردیش، پنجاب، راجستھان، دہلی، جموں و کشمیر، لداخ اور چندی گڑھ کی ریاستوں اور مرکز کے زیر انتظام علاقوں پر مشتمل ہے۔میٹنگ میں جموں کشمیر کے وزیر اعلیٰ عمر عبد اللہ ، نایاب سنگھ سینی (ہریانہ)، سکھویندر سنگھ سکھو (ہماچل پردیش)، بھگونت مان (پنجاب)، بھجن لال شرما (راجستھان)، ریکھا گپتا (دہلی)، پنجاب کے گورنر اور چندی گڑھ کے ایڈمنسٹریٹر گلاب چند کٹارییہ سمیت دیگران نے شرکت کی۔ انہوں نے بتایا کہ میٹنگ میں تعلیم، صحت، پانی، بجلی، خواتین اور بچوں کے خلاف جنسی جرائم کے معاملات کی تیز رفتار تحقیقات سمیت دیگر امور پر تبادلہ خیال کیا گیا۔شروع میں اجلاس میں لال قلعہ کے قریب 10 نومبر کو ہونے والے دھماکے میں جانیں گنوانے والوں کو خراج عقیدت پیش کرنے کے لیے ایک منٹ کی خاموشی اختیار کی گئی۔
مرکزی اور ریاستی حکومتوں اور مرکز کے زیر انتظام علاقوں کے سینئر افسران نے بھی میٹنگ میں شرکت کی۔ایک عہدیدار نے بتایا کہ زونل کونسلیں مرکز اور رکن ریاستوں اور یونین کے زیر انتظام علاقوں، رکن ریاستوں اور مرکز کے زیر انتظام علاقوں کے درمیان اور زون کے اندر مسائل اور تنازعات کو حل کرنے اور آگے بڑھانے کے لیے ایک بہترین فورم فراہم کرتی ہیں۔زونل کونسل کے اجلاس میں قومی اہمیت کے وسیع مسائل بشمول خواتین اور بچوں کے خلاف جنسی جرائم کے مقدمات کی فوری تحقیقات اور ان کے فوری نمٹانے کے لیے فاسٹ ٹریک خصوصی عدالتوں کے نفاذ پر تبادلہ خیال کیا گیا۔
میٹنگ میں مختلف علاقائی سطح کے مشترکہ مفادات جیسے کہ غذائیت، تعلیم، صحت، بجلی، شہری منصوبہ بندی اور کوآپریٹو سسٹم کو مضبوط بنانے پر بھی تبادلہ خیال کیا جائے گا۔شمالی زونل کونسل ریاستوں کی تنظیم نو ایکٹ 1956 کے سیکشن 15 سے 22 کے تحت قائم کردہ پانچ زونل کونسلوں میں شامل ہے۔ہر رکن ریاست سے، گورنر دو وزراء کو کونسل کے ارکان کے طور پر نامزد کرتا ہے۔ہر زونل کونسل نے چیف سیکرٹریز کی سطح پر ایک مستقل کمیٹی بھی تشکیل دی ہے۔ریاستوں کی طرف سے تجویز کردہ مسائل ابتدائی طور پر متعلقہ زونل کونسل کی مستقل کمیٹی کے سامنے بحث کے لیے پیش کیے جاتے ہیں۔ مستقل کمیٹی کی طرف سے غور و خوض کے بعد باقی مسائل کو مزید غور و خوض کے لیے زونل کونسل کے اجلاس میں پیش کیا جاتا ہے۔عہدیدار نے بتایا کہ تمام ریاستی حکومتوں، مرکزی وزارتوں اور محکموں کے تعاون سے گزشتہ 11 سالوں میں مختلف زونل کونسلوں اور ان کی مستقل کمیٹیوں کی کل 63 میٹنگیں ہوئی ہیں۔
وزیر داخلہ امیت شاہ نے کی زیر صدارت شمالی زونل کونسل کی 32ویں میٹنگ منعقد،جموں کشمیر سمیت دیگر ریاستوں اور یوٹیز کے مسائل پر تبادلہ خیال
