عظمیٰ نیوز سروس
جموں//بھارتیہ جنتا پارٹی جموںوکشمیر کے جنرل سکریٹری اور سابق ایم ایل سی وبود گپتا نے راجوری میں آیوش وید ویلنس کا افتتاح کیا، جو دیسی طبی سائنس کو فروغ دینے کی طرف ایک اہم قدم ہے۔ انہوں نے ڈاکٹر آدتیہ گپتا کو آیوروید کے ذریعے راجوری کے لوگوں کی خدمت کرنے کے لیے ان کے نیک اقدام کے لیے مبارکباد دی اور نیک تمناؤں کا اظہار کیا۔وبود نے اپنے خطاب میں وزیر اعظم نریندر مودی کی دیسی طبی سائنسوں بالخصوص آیوروید اور یوگا کو فروغ دینے کی اہم کوششوں پر روشنی ڈالی۔ انہوں نے اس بات پر زور دیا کہ مودی حکومت کے ذریعہ آیوش کی وزارت اور آل انڈیا انسٹی ٹیوٹ آف آیوروید کے قیام نے ملک میں آیوروید اور دیگر دیسی طبی علوم کے دائرہ کار کو نمایاں طور پر وسیع کیا ہے۔ انہوں نے مزید کہا کہ ہماری قوم کے لوگوں کو فائدہ پہنچا لیکن اس نے ہمارے نوجوانوں کے لیے ان روایتی علوم کو دریافت کرنے، سیکھنے اور ان کی تشہیر کے لیے ایک تحریک کا کام بھی کیا۔انہوںنے کہا”ہمیں فخر ہونا چاہیے کہ مٹی کے بیٹے ڈاکٹر آدتیہ گپتا نے بھی آیوروید کے ذریعے راجوری کے لوگوں کی خدمت کرنے کے لیے نیک پہل کی ہے‘‘۔
