عظمیٰ نیوز سروس
جموں// محکمہ جنگلات اور ماحولیات نے جموں و کشمیر وائلڈ لائف پروٹیکشن رولز 2024 کو وضع کردیا گیاہے۔ یہ قواعد و ضوابط پورے جموں و کشمیر پر فوری طور پر لاگو ہونگے۔نیشنل پارک، یا جنگلی جانوروں کی پناہ گاہوں میںکوئی شخص فوٹو گرافی/سیاحت/کسی دوسرے مقاصد کے لیے داخل ہونا چاہتا ہے،کیلئے اجازت نامہ حاصل کرنا لازمی قرار دیا گیا ہے۔ ذیلی اصول (1) کے تحت جاری کردہ اجازت نامہ حکومت کی طرف سے وقتاً فوقتا ًمقرر کردہ شرح پر فیس کی ادائیگی سے مشروط ہوگا۔نیشنل پارکس، وائلڈ لائف پناہ گاہوںاور کنزرویشن ریزرو میں ہلکی گاڑیوں کے داخلے کی فیس حکومت کی طرف سے وقتاً فوقتا ًمقرر کردہ شرح سے وصول کی جائے گی۔محکمہ کے افسران اور اہلکار وائلڈ لائف پروٹیکٹڈ ایریاز میں اپنے فرائض سرانجام دیتے ہوئے انٹری فیس کی ادائیگی سے مستثنی ہوں گے۔وارڈن کسی بھی شخص (افراد)/یا گاڑیوں کو ان قواعد کے تحت قابل ادائیگی فیس کی ادائیگی سے مستثنی قرار دے سکتا ہے۔اسلحہ کی رجسٹریشن کے لیے شخص فارم II پر وائلڈ لائف وارڈن کو درخواست دے گا۔ ادا کی جانے والی فیس حکومت کی طرف سے مقرر کردہ شرح پر ہوگی۔وائلڈ لائف وارڈن، فیس کے ساتھ فارم آر ایل میں صحیح طریقے سے بھرنے کی وصولی پر، فارم-Ill پر رجسٹریشن سرٹیفکیٹ جاری کرے گا۔جموں و کشمیر وائلڈ لائف پروٹیکشن رولز 1979، یہاں سے منسوخ کر دیے جاتے ہیں۔
