غلام نبی رینہ
کنگن//لداخ خود مختار پہاڑی ترقیاتی کونسل ، کرگل کے نو منتخب کونسلروں نے منگل کو منعقدہ ایک تقریب میں سرکاری طور پر اپنے عہدے کا حلف لیا۔یہ تقریب کرگل کے سید مہدی آڈیٹوریم ہال میں ہوئی اور اس کا اہتمام الیکشن اتھارٹی نے کیا تھا۔کرگل کے پرنسپل ڈسٹرکٹ اینڈ سیشن جج اقبال احمد مسعودی نے 26 منتخب کونسلروں کو ان کے متعلقہ حلقوں سے عہدے کا حلف دلایا۔حلف اٹھانے والے کونسلرز میں عبدالصمد، عبدالواحد، محمد جواد، کاچو محمد فیروز، عبدالہادی، آغا عی النہدا، اسٹینزین گگمٹ، پنچوک تاشی، اسٹینزین لکپا، الطاف حسین، حاجی محمد عباس، خادم حسین، محمد حسین، محمد عباس اور محمد علی شامل ہیں۔
امین، منظور حسین، فیروز احمد خان، ناصر حسین منشی، سید مجتبی موسوی، سید علی، محمد سجاد خان، غلام حیدر، عاشق علی، ڈاکٹر محمد جعفر اخون، ذاکر حسین، لیاقت علی خان، اور پدما دورجے شامل تھے۔ ڈپٹی کمشنر/سی ای او، الیکشن اتھارٹی کرگل، شری کانت سوسے اور دیگر ضلعی افسران سمیت اہم شخصیات نے حلف برداری کی تقریب میں شرکت کی۔ سابق کابینہ وزرا، سابق ممبران قانون ساز اسمبلی ، مختلف مذہبی تنظیموں کے نمائندے، مختلف سیاسی جماعتوں کے اراکین، اور دیگر معززین بھی اس تقریب کو دیکھنے کے لیے موجود تھے۔حلف برداری کی تقریب کے بعد، حکام نے 18 اکتوبر کو لداخ خود مختار پہاڑی ترقیاتی کونسل کا پہلا اجلاس طلب کیا، جس کے دوران چیف ایگزیکٹو کونسلر کم چیئرمین کا انتخاب کیا جانا ہے۔نیشنل کانفرنس نے ڈاکٹر جعفر آخون کو 5 ویں لداخ خود مختار پہاڑی ترقیاتی کونسل کرگل کیلئے نیا چیف ایگزیکٹو کونسلر منتخب کیا ہے۔ ڈاکٹر محمد جعفر آخون، ایک ریٹائرڈ چیف میڈیکل آفیسر(سی ایم او) ہیں۔دوسری طرف، کانگریس پارٹی کو اگلے سی ای سی کا عہدہ ملنے کا امکان ہے، پارٹی کے ضلع صدر ناصر منشی اس عہدے کے لیے سب سے آگے ہیں۔
