فاطمہٰ زھراؑ خدایا چھوڑ کر دنیا چلی
روتے روتے وہ صدیقہؑ اپنے رب سے جاملی
رہ نہ پائی ایک پل بھی اپنے بابا کے بغیر
گلشنِ زھرا پہ ٹوٹی ہے قیامت کی گھڑی
فاطمہ زھراؑ خدایا چھوڑ کر دنیا چلی
خاک برسر کرکے فضہ کررہی آہ و بکاہ
کہہ رہی حسنینؑ سے وہ آئو زھرا مرگئی
زینب ؑ و کلثوم غم میں خاک مل کے رہ گئی
فاطمہ زھرا خدایا چھوڑ کر دنیا چلی
خون رویا مرتضیٰ بھی ضرب پہلو دیکھ کر
اس زخم سے ہائے مولا آج تک تھے بے خبر
ڈس رہی تھی آج اس کو ہائے اپنی بے بسی
فاطمہ زھرا خدایا چھوڑ کر دنیا چلی
سہہ نہ پائے یہ جدائی شاہ حسنؑ اور شاہ حسینؑ
اپنے نانا کو صدائیں دے رہے تھے نورعینؑ
چھوڑ کر اماں بھی آخر ہم سے رخصت ہوگئی
فاطمہ زھرا خدایا چھوڑ کر دنیا چلی
اے عزادارو یہاں پر رک گیا میرا قلم
دل پہ خنجر چل رہے ہیں یاد کرکے وہ ستم
فاطمہ زھرا بھی آخر اپنے بابا سے ملی
فاطمہ زھرا خدایا چھوڑ کر دنیا چلی
حکیم مظفر حسین مظفرؔ
باغبان پورہ لعل بازار، سرینگر کشمیر
موبائل نمبر؛9622171322
