حسین محتشم
پونچھ//نانک اکیڈمی پونچھ نے ایک باوقار تقریب منعقد کر کے ادارے کے ہونہار طلباء جنہوں نے تعلیمی اور غیر نصابی سرگرمیوں میں شاندار کارکردگی کا مظاہرہ کیا کی حوصلہ افزائی کرتے ہوئے انھیں مبارکباد پیش کی۔ اس دوران ایک رنگا رنگ پروگرام میں 10ویں جماعت کے فارغ التحصیل طلباء کو سکول انتظامیہ نے حوالہ جات، مومنٹوز اور سکول میگزین سے نوازا۔اس دوران ادارے کے طلباء کے علاوہ مختلف شعبوں میں نمایاں کارکردگی کا مظاہرہ کرنے والے ادارے کے ہونہار طلباء کو بھی اعزاز سے نوازا گیا۔ چیف ایجوکیشن آفیسر لال حسین اس موقع پرمہمان خصوصی تھے جبکہ ڈائٹ پونچھ کے منموہن سنگھ مہمان اعزازی تھے۔ اس دوران گربخش سنگھ چیئرمین اور انسٹی ٹیوٹ کی پرنسپل مسز منموہندر کور نے طلباء اور مہمانوں کااستقبال کیا۔اس دوران ادارے کے سالانہ سکول میگزین کے پہلے ایڈیشن کی بھی رونمائی کئی گئی۔اس دوران طلباء و طالبات نے اپنے کیریئر کی ہمہ جہت ترقی میں تعاون اور طلباء کو خوش کرنے اور اسکول کے فیکلٹی ممبران کو اعزاز دینے کے آج کے رنگا رنگ پروگرام کے لئے اسکول انتظامیہ کا شکریہ ادا کیا۔چیف ایجوکیشن آفیسر نے اپنے خطاب میں طلباء کی ہمہ جہت ترقی کے لئے ضلع پونچھ میں تعلیمی شعبے میں اسکول کے کردار کی تعریف کی۔ منموہن سنگھ انچارج پرنسپل ڈائیٹ پونچھ نے اپنے خطاب میں تعلیمی شعبے اور طلباء کی ہمہ جہت ترقی میں نانک اکیڈمی کے کردار کی تعریف کی۔ انہوں نے کہا کہ سکول نے تعلیمی، ہم نصابی سرگرمیوں اور نظم و ضبط میں اپنا نام اور شہرت کمائی ہے۔ انہوں نے اس طرح کی یادگار تقریب کے انعقاد میں اسکول انتظامیہ گربخش سنگھ چیئرمین، منموہندر کور اور خاص طور پر امندیپ سنگھ کی کوششوں کی تعریف کی۔ مہمان خصوصی کو سکول انتظامیہ کی طرف سے یادگاری شیلڈز پیش کی گئیں۔ والدین نے بھی اس طرح کے اقدامات کے لئے اسکول کی تعریف کی جو طلباء کو زیادہ جوش اور ولولے کے ساتھ مطالعہ اور شرکت کے لیے حوصلہ افزائی کرتے ہیں۔ سکول انتظامیہ نے تقریب کو رنگین اور یادگار بنانے کے لیے مہمان خصوصی، مہمان خصوصی، والدین اور دیگر معززین کا شکریہ ادا کیا اور مستقبل میں بھی معاشرے کی خدمت کے لئے اپنی کوششیں جاری رکھنے کاوعدہ کیا۔
