جاوید اقبال
مینڈھر//مینڈھر میں سکول کے قریب سے پرانا زنگ آلود بم برآمد ہواہے۔حکام نے بتایا کہ پولیس اور فوج نے پیر کو پونچھ ضلع کے مینڈھر سیکٹر میں پرائمری اسکول نڑول کے قریب سے ایک پرانا زنگ آلود بم کاخول برآمد کیا۔انہوں نے بتایا کہ نڑول کے ایک دیہاتی نے شیل کو دیکھا اور اس کے بارے میں پولیس سٹیشن مینڈھر کو ٹیلی فون پر مطلع کیا۔ انہوں نے بتایا کہ فوری طور پر پولیس کی ایک پارٹی موقع پر پہنچ گئی جبکہ سرنکوٹ سے فوج کی ایک ٹیم کو بم ناکارہ بنانے کی اطلاع دی گئی۔ انہوں نے مزید کہا کہ بعد ازاں اسے بغیر کسی نقصان کے ناکارہ بنادیاگیا ۔
