میجر آشرم تیاگی کے مجسمے کی نقاب کشائی | بہادر سپاہیوں نے ہندوستان کی تعمیرلکھی: لیفٹیننٹ گورنر

نیوز ڈیسک
غازی آباد// لیفٹیننٹ گورنر منوج سنہا نے پیر کو آدرش نگر، نند گرام، غازی آباد میں مہا ویر چکر حاصل کرنے والے میجر آشرم تیاگی کے مجسمے کی نقاب کشائی کی۔1965 کی جنگ کے ہیرو کو خراج عقیدت پیش کرتے ہوئے لیفٹیننٹ گورنر نے کہا کہ قوم میجر آشرم تیاگی کی بہادری اور جرات کی ہمیشہ مقروض رہے گی جنہوں نے ڈوگرائی کی جنگ میں عظیم قربانی دی۔ لیفٹیننٹ گورنر نے کہا”امرت کال میں، ہمیں بہادر سپاہیوں کے خواب کے ہندوستان کی تعمیر کے لیے مضبوط عزم کے ساتھ آگے بڑھنا چاہیے، جنہوں نے ملک کے لیے اپنا سب کچھ قربان کردیا۔ میجر آشرم تیاگی کو سب سے مناسب خراج تحسین پیش کرنا ہوگا کہ ترقی کی رفتار کو تیز کیا جائے اور سب سے پہلے قوم کے نعرے کے ساتھ کام کیا جائے۔لیفٹیننٹ گورنر نے کہا کہ نئی نسل کو میجر آشرم تیاگی کی بہادری کے بارے میں بتایا جانا چاہیے، جنہوں نے گولیوں کا نشانہ بننے کے باوجود فوجیوں کو فتح تک پہنچایا۔لیفٹیننٹ گورنر نے کہاکہ ڈوگرائی کی لڑائی کی کہانی، اور میجر آشرم تیاگی اور ہمارے گمنام ہیروز کی قربانی ہمیں ذات، مذہب، زبان، علاقے سے اوپر اٹھنے اور ایک بھارت شریشٹھ بھارت کے جذبے کو مضبوط کرنے کی ترغیب دیتی ہے۔قابل ذکر بات یہ ہے کہ 21 ستمبر 1965 کی رات بھارتی فوج کی تیسری جاٹ بٹالین کے میجر آشرم تیاگی نے پاکستان میں لاہور سے 50 کلومیٹر دور ڈوگرائی گاؤں میں پاکستانی پوزیشن پر قبضہ کرنے کے لیے بہادری سے لڑا۔لیفٹیننٹ گورنر نے میجر آشرم تیاگی کی یاد میں وقف پارک کا بھی افتتاح کیا۔