یو این آئی
نئی دہلی// وزیراعظم نریندر مودی ،کانگریس صدر ملک ارجن کھڑگے، سابق صدر راہل گاندھی اور پارٹی جنرل سکریٹری پرینکا گاندھی نے بابائے قوم مہاتما گاندھی اور سابق وزیر اعظم لال بہادر شاستری کو آج ان کے یوم پیدائش پر خراج عقیدت پیش کیا۔وزیر اعظم نریندر مودی نے بدھ کے روز بابائے قوم مہاتما گاندھی اور سابق وزیر اعظم لال بہادر شاستری کے یوم پیدائش کے موقع پر انہیں خراج عقیدت پیش کیا۔انہوں نے سوشل میڈیا ایکس پر ایک پوسٹ میں کہا’’تمام ہم وطنوں کی طرف سے، ہم قابل صد احترام بابائے قوم کو ان کے یوم پیدائش پر خراج عقیدت پیش کرتے ہیں۔ سچائی، ہم آہنگی اور مساوات پر مبنی ان کی زندگی اور نظریات ہمیشہ اہل وطن کے لیے مشعل راہ رہیں گے‘‘۔دوسری پوسٹ میں مودی نے کہا’’سابق وزیر اعظم لال بہادر شاستری جی کو ان کے یوم پیدائش پر خراج عقیدت پیش کرتے ہیں، جنہوں نے اپنی زندگی ملک کے سپاہیوں، کسانوں اور عزت نفس کے لیے وقف کر دی تھی‘‘۔راہل گاندھی دیگر پارٹی رہنمائوں کے ساتھ صبح مہاتما گاندھی کی سمادھی راج گھاٹ گئے اور ان کی سمادھی پر پھول چڑھا کر انہیں جذباتی خراج عقیدت پیش کیا۔کھڑگے نے کہا’’سچائی، عدم تشدد اور ستیہ گرہ جیسی اعلی اقدار کے ذریعے پوری دنیا کو امن کا راستہ دکھانے والے اور ہندوستان معمار بابائے قوم مہاتما گاندھی کے افکار اور نظریات ہمیشہ ہمارے لیے حوصلہ افزائی کرتے رہیں گے، آج ان کے نظریات کے لیے چیلنج ہے کہ ہم بابائے قوم کے اصولوں پر عمل کرتے ہوئے اس سے لڑ رہے ہیں‘‘۔راہل گاندھی نے کہا’’بابائے قوم نے مجھے سکھایا ہے کہ اگر ہم جینا چاہتے ہیں تو ہمیں بغیر کسی خوف کے جینا ہے – ہمیں سچائی، محبت، ہمدردی اور ہم آہنگی کے راستے پر چلنا ہے، سب کو جوڑنا ہے۔ گاندھی جی محض ایک شخص نہیں ہیں، بلکہ وہ جینے اور سوچنے کا طریقہ ہیں۔ بابائے قوم مہاتما گاندھی کو ان کے یوم پیدائش پر لاکھوں سلام‘‘۔پرینکا گاندھی نے کہا’’بابائے قوم مہاتما گاندھی جی نے سچائی، عدم تشدد، ستیہ گرہ جیسے قیمتی نظریات کے ذریعہ دنیا کو اپنے سفر کی اہمیت سمجھا تھا، وہ سمجھتے تھے کہ اپنے لوگوں کے درد اور تکلیف کو سمجھنا بہت ضروری ہے۔ ان کے درمیان جانا اور ان کو سمجھنے کے لیے کہا جاتا ہے کہ باپو اپنی پوری زندگی میں ہر روز اوسطا 18 کلومیٹر پیدل چل کر زمین کا چکر لگا سکتے تھے‘‘۔انہوں نے کہا’’گاندھی جی کے ہر سفر یا بلکہ ان کی پوری زندگی کے سفر کا پیغام محبت، امن، ہم آہنگی، آزادی، مساوات، خود انحصاری اور عزت نفس تھا۔
