عاصف بٹ
کشتواڑ//ضلع کشتواڑ کی سب ڈویژن مڑواہ میں ایتوار کی صبح جے سی بی کی ٹکر سے محکمہ پی ایم جی ایس وائی کے ساتھ کام کررہے مزدور کی موت واقع ہوئی۔ تفصیلات کے مطابق یہ واقعہ ایتوار کی صبح پیش آیا جب جے سی بی نواپچی تا ہاینن سڑک پر کام کررہی تھی جس دوران جے سی بی کی زد میں محکمہ پی ایم جی ایس وائی کے ساتھ کام کررہا مزدور آگیا۔ حادثے کے فوری بعد مقامی لوگوں نے زخمی شخص کو سی ایچ سی منتقل کیا لیکن اسے بند پایاگیا جسکے بعد اسے دوسرے ہیلتھ سینٹر منتقل کیا گیا جس دوران اسکی موت واقع ہوئی۔ متوفی کی شناخت محمد رمضان ولد عبدل رحمان ساکنہ چکرانوں کے طور ہوئی۔ جسکے بعد مقامی لوگوں نے انتظامیہ کے خلاف احتجاج کیا اور نعرے بازی کی۔ مقامی لوگوں نے بتایا کہ سی ایچ سی میں ڈاکٹروں کی غیر موجودگی کے سبب اسکا علاج بروقت نہ ہوسکااور کئی گھنٹوں تک اسے ایک ہیلتھ سینٹر سے دوسرے ہیلتھ سینٹر منتقل کرتے رہے جس سے اسکی موت واقع ہوئی۔ انھوں نے انتظامیہ سے فوری طور کاروائی کرنے کا مطالبہ کیا اور ازجان ہوئے مزدور کے لواحقین کو فوری طور معاوضہ فراہم کرنے کا مطالبہ کیا جبکہ سی ایچ سی میں مستقل عملے کی تعیناتی کا مطالبہ کیا گیا۔
