موہالی پنجاب میں یووا سوسائٹی کی جانب سے منعقد

پولیس کی جانب سے کیس درج، تحقیقات شروع

سرینگر// سرینگر میں نجی کرکٹ لیگ ( انڈین ہیون پریمیئر لیگ )(IHPL) T20 کے انعقاد پر افراتفری، منسوخی اور واجب الادا ادائیگیوں کی رپورٹوں کے بعد، پولیس نے کیس درج کر کے معاملے کی تحقیقات شروع کر دی ہے۔ایک اعلی پولیس افسر نے بتایا کہ قانون کی متعلقہ دفعات کے تحت ایف آئی آر درج کر لی گئی ہے، اور تحقیقات جاری ہے۔ لیگ سے وابستہ کھلاڑیوں نے الزام لگایا ہے کہ انہیں ان کی وعدے کے مطابق ادائیگی نہیں کی گئی اور انہیں “تکنیکی مسائل” کی وجہ سے سٹیڈیم نہ آنے کو کہا گیا۔کچھ نے یہ بھی دعویٰ کیا کہ ان سے ہوٹل کی رہائش گاہیں خالی کرنے کو کہا گیا تھا۔آئی ایچ پی ایل میں متعدد مقامی اور بین الاقوامی کرکٹرز شامل تھے لیکن انہیں بی سی سی آئی یا جے کے سی اے نے تسلیم نہیں کیا، جس سے اس کی قانونی حیثیت پر سوالات اٹھتے ہیں۔

گھوٹالہ
کشمیر سے کرکٹ کے نئے ٹیلنٹ کو سامنے لانے کے لیے ایک بڑے ایونٹ کے طور پر متعارف کرایا گیا انڈین ہیون پریمیئر لیگ (آئی ایچ پی ایل)ایک گھوٹالے میں بدل گیا ہے کیونکہ منتظمین فرار ہو گئے، کرس گیل جیسے کئی سابق بین الاقوامی کھلاڑی بلوں کی عدم ادائیگی کی وجہ سے یہاں کے ایک ہوٹل میں پھنسے ہوئے ہیں۔اکتوبر کے آخری ہفتے میں یہاں بڑے دھوم دھام کے درمیان شروع ہونے والا IHPL، موہالی میں قائم یووا سوسائٹی نے منعقد کیا تھا۔گیل، ڈیون سمتھ، جیسی رائڈر اور شکیب الحسن جیسے سابق کرکٹرز پر مشتمل بڑے بڑے بل بورڈز شہر بھر میں کئی مقامات پر آ گئے، جس میں اعلان کیا گیا کہ یہ میگا اسٹارز لیگ میں مقامی کھلاڑیوں کے ساتھ مل کر کھیلیں گے جو 8 نومبر کو ختم ہونے والی تھی۔بخشی سٹیڈیم میں زیادہ تر میچ وقفوں کے دوران لاڈ سپیکر سے بجنے والی موسیقی کے ساتھ کھیلے گئے۔تاہم، لیگ ہفتے کے روز اچانک ختم ہو گئی کیونکہ کھلاڑیوں نے واجبات ادا نہ ہونے کی وجہ سے میچوں میں شرکت سے انکار کر دیا۔ منتظمین نے، جس ہوٹل میں کھلاڑی ٹھہرے ہوئے تھے انہیں مجبور کیا کہ جب تک ان کے واجبات کی ادائیگی نہیں ہو جاتی، انہیں وہاں سے جانے سے روک دیا۔ یہ کہانی اس وقت منظر عام پر آئی جب میلیسا جونیپر نامی انگلش خاتون، جو اس تقریب میں امپائر تھیں، نے کہا کہ انہیںرقم نہیں دی گئی۔ جونیپر نے کہا، “ہمیں کوئی ادائیگی نہیں ملی، انہیں ہوٹل کے عملے نے “لاپتہ منتظمین” کے بارے میں مطلع کیا تھا، جب کہ پولیس نے ہوٹل کا دورہ کیا‘‘۔گیل ان کئی کھلاڑیوں میں شامل تھے جنہوں نے گزشتہ سال کشمیر میں لیجنڈز لیگ کرکٹ ٹورنامنٹ کھیلا تھا۔ ایونٹ، جو کہ اس سال آئی ایچ پی ایل کی طرح ایک نجی تھا، نے سٹیڈیم میں بہت زیادہ ہجوم کھینچا تھا کیونکہ مقامی لوگوں نے تقریبا ً40 سالوں میں پہلی بار بین الاقوامی کھلاڑیوں کو ایکشن میں دیکھا تھا۔پرمیندر سنگھ، جو یووا سوسائٹی کے چیئرمین کے طور پر درج ہیں، کشمیر میں IHPL کے انعقاد کے لیے لیجنڈز لیگ کی کامیابی کو لیکرانہوں نے جموں و کشمیر اسپورٹس کونسل کی ملکیت بخشی سٹیڈیم بک کرایا اور میچوں کی میزبانی کے لیے کرایہ ادا کیا۔8 ٹیمیں سری نگر سلطانز، جموں لائنز، لداخ ہیروز، پلوامہ ٹائٹنز، یوری پینتھرز، گلمرگ رائلز، پتنی ٹاپ واریئرز، اور کشتواڑ جائنٹس کو لیگ کھیلنے کے لیے تشکیل دیا گیا تھا، ہر ٹیم کی صفوں میں ایک سابق بین الاقوامی کھلاڑی تھا۔تاہم، آئی ایچ پی ایل نے گیل اور دیگر بین الاقوامی کھلاڑیوں کی موجودگی کے باوجود بھیڑ نہیں کھینچی۔ منتظمین نے ٹکٹوں پر بھاری رعایت کی پیشکش کی اور ٹکٹوں کی فروخت کو بڑھانے کے لیے مقامی سوشل میڈیا پر اثر انداز کرنے والے، عمر زرگر کی خدمات کا استعمال کیا، لیکن بے سود۔سوالات پوچھے جا رہے ہیں کہ منتظمین – یووا سوسائٹی کو اس طرح کی لیگز کے انعقاد کا ماضی کا تجربہ نہ ہونے کے بعد، میچوں کی میزبانی کے لیے بخشی سٹیڈیم کو استعمال کرنے کی اجازت کیسے دی گئی۔سپورٹس کونسل کی سیکرٹری نزہت گل نے کہا کہ منتظمین میچوں کی میزبانی کے لیے اس مقام کو استعمال کرنا چاہتے تھے اور انہوں نے رقم ادا کر دی تھی۔انہوں نے مزید کہا”میرا IHPL سے کوئی تعلق نہیں ہے، میں افتتاحی تقریب میں صرف ایک مدعو کے طور پر موجود تھی،” ۔یووا سوسائٹی نے اپنی ویب سائٹ پر IHPL کا اعلان کرتے ہوئے سابق کرکٹرز سریندر کھنہ اور اشو دانی کی تصاویر کا استعمال کیا۔