ممتا بنرجی کے بھتیجے اور ممبرپارلیمنٹ کی دولت میں تین گنااضافہ

کلکتہ//ترنمول کانگریس کے ممبرپارلیمنٹ اور ممتا بنرجی کے بھتیجے ابھیشیک بنرجی جو ڈائمنڈ ہاربر سے دوسری مرتبہ امیدوار ہیں نے اپنے حلف نامہ میں کہا ہے کہ ان کی منقولہ جائدادمیں 2014کے مقابلے میں تین گنااضافہ ہوا ہے ۔2014میں منقولہ جائداد کی مالیت 23.57لاکھ تھی جس میں اضافہ ہوکر 71.40لاکھ روپے ہوگئے ہیں۔ پرچہ نامزدگی کیلئے داخل حلف نامہ کے مطابق ترنمول کانگریس یوتھ ونگ کے سربراہ ابھیشیک بنرجی کی اہلیہ روجیریا بنرجی کی منقولہ جائداد 2014 کے مقابلے میں گھ گئی ہے ۔2014 میں یہ 54.08 لاکھ روپے تھا جو گھٹ کر 35.55لاکھ روپے ہوگیا ہے ۔جب کہ ان پرمنحصر اذان نیہ بنرجی کی منقولہ جائداد 2014میں 10لاکھ روپے تھی جس میں اضافہ ہوکر 30.97لاکھ روپے ہوگیا ہے ۔ 31سالہ ممبرپارلیمنٹ نے اپنے منقولہ جائداد کی تفصیل دیتے ہوئے کہا ہے کہ ان کے پاس 30گرام سونا ہے جس کی لاگت 96,000 ہے ۔40گرام چاندی ہے جس کی لاگت 1,500.ہے ۔جب کہ ان کے اہلیہ کے پاس 658گرام سونا ہے جو 2.3کلو کے قریب ہے اور چاندی و قیمتی پتھر ہیں جس کی قیمت 22لاکھ روپے ہیں۔اس کے علاوہ ایک پینٹنگ ہے جس کی قیمت 3لاکھ روپے ہے ۔ خیال رہے کہ گزشتہ مہینے ابھیشیک بنرجی کی اہلیہ کو کسٹم افسران کے ذریعہ روکے جانے پر تنازع پیدا ہوگیا تھا۔کسٹم افسران ان کی اہلیہ روجیربنرجی کا بیگ جانچ کرنا چاہتے تھے ۔مگر روجیربنرجی کلکتہ پولس کی مدد سے نکل گئی۔اس وقت یہ معاملے عدالت کے زیر غور ہے ۔اس کے علاوہ ابھیشیک بنرجی کے پاس 92,500روپے نقد،50.20لاکھ روپے نقد اور 15.40لاکھ روپے انسورنش ہے ۔ بنرجی نے 2017-18میں اپنی سالانہ آمدنی 75.03لاکھ روپے ظاہر کیا ہے ۔جب کہ ان کی اہلیہ نے اپنی سالانہ آمدنی انکم ٹیکس میں 1.51کروڑ رودکھلایا ہے ۔ابھیشیک بنرجی نے کہا ہے کہ ا ن کے خلاف کوئی کریمنل کیس نہیں ہے ۔یواین آئی۔