سرینگر//ملک میں گزشتہ 24 گھنٹوں کے دوران کورونا وائرس کے 30093 نئے کیس درج ہوگئے اور انفیکشن کی وجہ سے 374 افراد ہلاک ہوگئے ۔
منگل کی صبح مرکزی وزارت صحت کی جانب سے جاری کردہ اعداد و شمار کے مطابق ملک میں کورونا وائرس کے کل معاملات بڑھ کر 31174322 ہوگئے ہیں اور اب تک مجموعی طور پر4,14,482 اموات ہوچکی ہیں۔
محکمہ صحت کے مطابق ملک میں اس وقت 406130 فعال کیسز ہیں۔ جبکہ اس دوران 45254 افراد صحت یاب ہوئے ہیں۔ جس کے بعد صحت یاب ہونے والوں کی کل تعداد 30353710 ہوگئی ہے۔
دریں اثنا ملک میں کورونا وائرس کے اب تک 411846401 تک ویکسینیشن کی جا چکی ہے۔
