سرینگر//گزشتہ 24 گھنٹوں کے دوران ملک میں کورونا وائرس کے 46148 نئے کیسوں کی تصدیق کی گئی ہے جب کہ اسی دوران 979 افراد کی موت بھی واقع ہوئی۔
بھارت میں کورونا وائرس کے نئے کیسز میں مسلسل کمی واقع ہو رہی ہے۔ نہ صرف نئے کیسز میں ہی بلکہ کووڈ 19 سے ہونے والی اموات میں بھی پہلے کے مقابلے میں کمی واقع ہوئی ہے۔
وزارت صحت کے اعداد و شمار کے مطابق بھارت میں کورونا متاثرین کی مجموعی تعداد 3 کروڑ 2 لاکھ 79 ہزار 331 تک پہنچ گئی ہے جبکہ اموات کی مجموعی تعداد 3 لاکھ 96 ہزار 730 تک پہنچ گئی ہے۔
وائر س سے متاثرہ مریضوں کی صحتیابی کا سلسلہ بھی بڑھ رہا ہے اور ابھی تک یہ تعداد 2 کروڑ 93 لاکھ 9 ہزار 607 ہوگئی ہے۔
